मूर्ती खरेदीसाठी गर्दी करू नका

लोकमत न्यूज नेटवर्कनंदुरबार : नंदुरबार शहरातील गणेश भक्तांनी कोरोना महामारीच्या पार्श्वभूमीवर शासन-प्रशासनाचे सर्व नियम पाळून गणेश मूर्तींची खरेदी करावी, असे आवाहन नंदनगरी श्री गणेश मूर्ती स्टॉल संघटनतर्फे करण्यात आले आहे.नंदुरबार शहारातील गणेश भक्तांसाठी या कोरोना महामारीच्या पार्श्वभूमीवर शासनाच्या नियमानुसार नंदनगरी श्री गणेश मूर्र्ती विक्री स्टॉल संघटना आपल्या सेवेत सज्ज झाली आहे. येत्या दि.२२ आॅगस्ट रोजी महाराष्ट्राचे लाडके आराध्य दैवत श्रीगणेशाचे आगमन होत आहे. कोरोना महामारी लक्षात घेत शासनाने व प्रशासनाने जाहिर केलेल्या सुचनांचे पालन करत श्रीच्या आगमनाची तयारी सुरु झाली. सर्व गणेश भक्तांसाठी सुंदर व आकर्षक श्री गणेश मुर्तींचे स्टॉल विक्रीसाठी सज्ज झाले आहे.विशेषत: या संघटनेतर्फे सर्व भक्तांसाठी आवाहन करण्यात येते की, या महामारीच्या पार्श्वभूमीवर सर्व गणेश भक्तांनी आपल्या आवडीच्या गणेश मूर्र्ती लवकरात लवकर खरेदी करुन आपल्याजवळ ताब्यात घेणे आवश्यक आहे. यामुळे सणासुदीच्या आनंद व्दिगुणी करता येणार आहे. या काळात रहदारी, देवाण-घेवाण, कोणत्याही प्रकारची गर्दी होऊ नये व सोशल डिस्टन्सचे पालन करावे. शक्यतोवर सोबत लहान मुले किंवा ६० वर्षावरील जेष्ठ नागरीकांनी या खरेदीच्या वेळेस येऊ नये. जेणे करुन आपण व आपल्या परिजनांना या महामारीपासून आपण त्यांचे संरक्षण करुन स्वता: सुरक्षित रहाल. सहसा या गर्दीपासून लांब असणे आवश्यक आहे. कदाचित आपण गणेश मूर्ती नेताना कुठे कोरोना आपल्या घरी घेऊन तर नाही जाताय ना? याची काळजी घेणे आवश्यक आहे, असे आवाहन नंदनगरी श्री गणेश मुर्ती स्टॉल संघटनतर्फे करण्यात आले आहे.