नवापूर तालुक्यातील विसरवाडी हे प्रमुख बाजारपेठ लाभलेले गाव असून परिसरातील ३५ ते ४० खेड्यापाड्यांचा दैनंदिन संपर्क येत असतो. सध्या कोरोना महामारीने सर्वत्र आहाकार माजवलेला असृन विसरवाडी येथे विविध कामानिमित्त तसेच येथील दवाखान्यात उपचारासाठी मोठ्या प्रमाणात रुग्ण येत आहेत. आरोग्य विभागाने रुग्णांची वाढती संख्या पाहता ग्रामीण भागातदेखील अधिक लक्ष देणे गरजेचे आहे.
येथे बाहेरुन येणाऱ्यांमुळे स्थानिक ग्रामस्थांच्या आरोग्याचा प्रश्न निर्माण होत असल्याने खबरदारीचा उपाय म्हणून विसरवाडी ग्रामपंचायतीतर्फे गावात तसेच बाजारपेठेत निर्जंतुकीकरण करण्यात आले. यावेळी स्वतः सरपंच बकाराम गावित यांनी पुढाकार घेत स्वतः औषधांची फवारणी केली.
यावेळी ग्रामविकास अधिकारी कैलास सोनवणे, जयेश अग्रवाल, पंकज पवार, मयूर अग्रवाल, सफाई कर्मचारी मंगल डामरे, संदीप साळुंखे, प्रभू डामरे, विलास डामरे, यशवंत गावित, आदी उपस्थित होते.
दरम्यान, कोरोना संसर्गाची साखळी तोडण्यासाठी नागरिकांनी मास्कचा वापर करावा, सामाजिक अंतर पाळावे, विनाकारण घराबाहेर पडू नये व प्रशासनास सहकार्य करावे, असे आवाहन सरपंच बकाराम गावित यांनी यावेळी केले.
फोटो कॅप्शन- विसरवाडी येथील बाजारपेठेत निर्जंतुकीकरण करताना सरपंच बकाराम गावित व कर्मचारी वर्ग
बामखेडा येथे आंबेडकर यांची जयंती साजरी
शहादा : तालुक्यातील बामखेडा येथे महामानव डॉ. बाबासाहेब आंबेडकर यांची जयंती साधेपणाने साजरी करण्यात आली. सारंगखेडा पोलीस ठाण्याचे निरीक्षक राजेश शिरसाट यांनी डॉ. बाबासाहेब आंबेडकर जयंतीच्या सर्व नागरिकांना शुभेच्छा दिल्या. डॉ. बाबासाहेब आंबेडकर यांच्या पुतळ्याला पुष्पहार अर्पण करून त्यांना अभिवादन करण्यात आले. कार्यक्रमाला सरपंच मनोज चौधरी, माजी पोलीस पाटील ताराचंद गवळे, ग्रामपंचायत सदस्य जगन कापुरे, सामाजिक कार्यकर्ता विलास गवळे, अमृत गवळे व पत्रकार उपस्थित होते. सुशील गव्हाणे यांनी आभार मानले.