एमटेक प्रवेश चाचणीत ध्रुव शाहचे यश

फेब्रुवारीत आयआयटी मुंबईद्वारा ग्रॅज्युएट ॲप्टिट्युड टेस्ट-२०२१ (गेट) अखिल भारतीय स्तरावर घेण्यात आली. देशभरातील सात लाख ११ हजार ४६२ विद्यार्थ्यांमधून केवळ एक लाख २६ हजार ८१३ विद्यार्थी या परीक्षेत पात्र ठरले. त्यात ४६५ क्रमांकाचा गुणानुक्रम नंदुरबारच्या ध्रुव पियुष शाह याने प्राप्त केला. कॉम्प्युटर सायन्स ॲण्ड इन्फॉरर्मेशन टेक्नॉलॉजी या विषयातून तो मेरिटमध्ये आला. एम.टेक.पदवीसाठी ही पात्रता परीक्षा द्यावी लागते. पुणे येथील नामवंत अशा सीओइपी कॉरलेजमध्ये तो बी.टेक.च्या अंतिम वर्षात शिकत आहे. कोरोना या वैश्विक आजाराचा उद्रेक होऊनही अजिबात विचलित न होता या विद्यार्थ्याने अगदी नेटाने आपल्या अभ्यासक्रमाची तयारी केली. अखिल भारतीय स्तरावर चमकदार कामगिरी करीत या विद्यार्थ्याने नंदुरबारचे नाव उज्वल केले. ध्रुव शाह हा श्रॉफ हायस्कूलचे कार्यालय अधिक्षक पियुष शाह यांचा मुलगा आहे. त्याचे सर्वत्र कौतुक होते आहे.