तालुक्यातील जयनगर येथे ४५ वर्षांपुढील जास्तीत जास्त लोकांनी लसीकरण करून घ्यायला हवे, याकरिता ग्रामपंचायत प्रशासन आणि आरोग्य विभागाने येथील चक्रधर माध्यमिक विद्यालयात लसीकरण शिबिराचे आयोजन केले होते. शिबिराचा आरंभ उपसरपंच सुनील माळी यांना लस देऊन करण्यात आला.
यावेळी जयनगर प्राथमिक उपकेंद्राचे सामुदायिक आरोग्य अधिकारी डॉ. महेंद्र पाटील, डॉ. प्रशांत पटेल, आरोग्यसेविका संगीता इंगळे, आरोग्य सहाय्यक, अंगणवाडी सेविका, आशा मदतनीस यांनी लसीकरणासाठी सहकार्य केले.
शिबिर यशस्वी होण्यासाठी ग्रामपंचायत सरपंच मीनाबाई सोनवणे, उपसरपंच सुनील माळी, ग्रामसेवक केशव वसावे, तलाठी किशोर जाधव, म. फुले युवा मंचचे अध्यक्ष इश्वर माळी, कोतवाल दयाराम सोनवणे, संगणक ऑपरेटर प्रकाश राठोड, रोजगार सेवक संजय पाटील, शिपाई काशिनाथ पाटील, रोहिदास सोनवणे, माध्यमिक विद्यालयाचे कर्मचारी यांनी परिश्रम घेतले. कोरोना नियंत्रणासाठी घाबरून न जाता सर्वांनी लसीकरण करण्याची आवश्यकता आहे, असे आवाहन उपसरपंच सुनील माळी यांनी ग्रामस्थांना केले.