सायकल मॅरेथॉन स्पर्धेत म्हसावद येथील स्पर्धक सहभागी

याबाबत वृत्त असे की, तरुणाईचे आरोग्य, निरोगी जीवन सुकर होऊन व्यायामाचे महत्त्व समजावे यासाठी सायकल स्पर्धेचे आयोजन करण्यात आले. शिवाय या स्पर्धेत प्रत्येक किलोमीटरला एक रुपया याप्रमाणे जेवढे किलोमीटर होतील तेवढे रुपये गरीब, गरजू लोकांच्या औषधोपचारासाठी मदत म्हणून देण्यात येणार आहेत. या स्तुत्य उपक्रमाला हातभार लावण्यासाठी म्हसावद येथून ४२ स्पर्धकांनी सहभाग नोंदवला. यात १०० किलोमीटरमध्ये राहुल पाडवी याने म्हसावद ते नंदुरबार असा परतीचा प्रवास करून १०० किलोमीटरचे अंतर सहा तासात पूर्ण केले. ५० किलोमीटरमध्ये भावेश राजपूत प्रथम, सनी गवळे द्वितीय तर सागर पाटील याने तृतीय क्रमांक पटकावला. ५० किलोमीटर स्पर्धेत दुर्गेश ठाकरे, दिनेश धनगर, नीलेश पवार, निर्मल पाटील, भावेश सूर्यवंशी, सुनील वडार, राकेश वडार, मनोज कुंभार, कृष्णा जयस्वाल, तिर्थेश मराठे, सुधाकर पाटील तर २५ किलोमीटरमध्ये प्रसाद लामगे, सूरज भील, यश गुरव यांनी सहभाग घेतला. १० किलोमीटर स्पर्धेत २५ स्पर्धक होते. यात मुलींनीही सहभाग घेतला त्यात रोशनी सूर्यवंशी, डिंपल निकम, कृपा सूर्यवंशी, कोमल जगदाळे, नंदिनी गिरासे, ओम सूर्यवंशी, सोमेश्वर जगदाळे, प्रेम मोरे, यश पाटील, अब्दुल्ला अमाम, वैभव खोंडे, पवन पाटील, जयेश भोसले, यश धनगर, तन्मय धनगर, गणेश धनगर आदींनी सहभाग घेतला. सर्व स्पर्धकांनी यशस्वीरीत्या स्पर्धा पूर्ण केली. क्रीडा शिक्षक सुधाकर पाटील यांनी मार्गदर्शन केले, तर महेंद्र बैसाणे यांनी सहकार्य केले.