अहिराणी कलाकाराकडून लसीकरणाची जनजागृती

कोरोना काळात लसीकरणासाठी अहिराणी कलाकारांनीही मागे न राहता नंदुरबार जिल्ह्यातील आदिवासी भागात जनजागृती करीत आहेत. विजय पवार हे पेशाने शिक्षक जरी असले तरी ते कॉमेडी किंग म्हणून ओळखले जातात. त्यांची कॉमेडी किंग म्हणून जिल्हाभरात ओळख आहे. त्यांचामार्फत होणाऱ्या लसीकरणासाठी जनजागृतीमुळे प्रशासनाला नक्कीच सहकार्य होणार आहे. लसीकरण मोहीम जनजागृतीसाठी जिल्हा परिषद शिक्षण विभाग नंदुरबार यांच्याकडून रथ तयार करण्यात आला असून सेजवा, वेळावद, पिंपळोद, तगाईपाडा या भागात जाऊन लसीकरणासाठी जनजागृती करण्यात येत आहे. पवार यांना वेळावदचे सरपंच मोहन वळवी, सेजवाचे सरपंच अजय गावीत व उपसरपंच विजयसिंग वसावे, पोलीस पाटील योगेश वसावे, केंद्रप्रमुख हिरामण वाघ, जि.प. मराठी शाळा वेळावदचे मुख्याध्यापक विलास खैरनार, शिक्षक तडवी, पाटील, वडवी, सेजवा माध्यमिक विद्यालयाचे मुख्याध्यापक दत्तू पाटील, शिक्षक विजय पवार, दीपक वळवी, आनंदराव पवार, संजय बोरसे, रामानंद बागले, संगीता गोखले, जि.प. मराठी शाळा सेजवाचे मुख्याध्यापक गौतम पानपाटील, शिक्षक मनोजकुमार चौधरी, कपिला पतंगे, जि.प. मराठी शाळा करंजवेचे मुख्याध्यापक विनोद सोनवणे, गायकवाड, तगाईपाडा जि.प. शाळेच्या मुख्याध्यापिका पाटील यांचे सहकार्य लाभत आहे.