बोरचक प्राथमिक शाळेच्या विद्यार्थ्यांचा क्षेत्रभेट उपक्रम

लोकमत न्यूज नेटवर्कखांडबारा : बोरचक येथील टिम ट्रस्ट खाजगी प्राथमिक शाळेच्या विद्यार्थ्यांनी क्षेत्रभेट उपक्रमांतर्गत नियोजन रेल्वे स्टेशन खांडबारा व वाटवी येथील वीज उपकेंद्राला भेट दिली.विद्यार्थ्यांना रेल्वे स्टेशन निरीक्षण व रेल्वे आवागमन सिस्टीमची प्रत्यक्ष पाहणी केली. स्थानक प्रमुख यादव यांनी विद्यार्थ्यांना मार्गदर्शन केले. त्यावेळी जाणारी महानंदा व विशाखापट्टन्म एक्सप्रेस व मेमो गाडीचे विश्लेषण केले. प्रत्यक्ष सिस्टीम यंत्राची माहिती दिली. काही विद्यार्थ्यांनी प्रश्न विचारून माहिती घेतली. त्यानंतर वाटवी येथे वीज उपकेंद्राचे मोरे यांनी माहित देत विजेपासून व त्याच्या खांबापासून सावध राहण्याचे सांगितले. विजेचे महत्त्व व बचतीचे फायदे यावर मार्गदर्शन केले. दुपारी विद्यार्थ्यांना शाळेत नाताळनिमित्त भोजन देण्यात आले.यावेळी पास्टर शिरीष, शालेय व्यवस्थापन समिती सदस्य सत्तेसिंग वळवी उपस्थित होते. या उपक्रमासाठी मुख्याध्यापक, शिक्षक व कर्मचाऱ्यांनी परिश्रम घेतले.