भरधाव पीकअप उलटून एकजण जागीच ठार

लोकमत न्यूज नेटवर्कनंदुरबार :  भरधाव पीकअप वाहन उलटून झालेल्या अपघातात एकजण जागीच ठार झाल्याची घटना 26 रोजी केला ता.धडगाव येथे घडली. चालकाविरुद्ध गुन्हा दाखल करण्यात आला आहे.दिनेश गिरज्या वळवी (20) रा.ओलवन, ता.तळोदा असे मयताचे नाव आहे. तळोदाकडून धडगावकडे जाणारी पीकअप गाडी चालकाने घाटातील रस्त्याकडे दुर्लक्ष करून भरधाव चालविली. केला गावाच्या बाहेर अचानक चालकाचे नियंत्रण सुटल्याने वाहनाने दोन ते तीन पलटी खाल्ली. यात वाहनात बसलेला दिनेश गिरज्या वळवी (20) रा.ओलवन हा जागीच ठार झाला. अपघातानंतर वाहनचालक तेथून पसार झाला. याबाबत विना गिरज्या वळवी यांनी फिर्याद दिल्याने पीकअप चालकाविरुद्ध धडगाव पोलिसात गुन्हा दाखल करण्यात आला आहे. तपास धडगाव पोलीस करीत       आहे.