खुरगावत रक्तदान शिबिर
नांदेड - तालुक्यातील खुरगाव येथे श्रामणेर प्रशिक्षण केंद्रात भिक्खू संघाने भदंत पंय्याबोधी थेरो यांच्या जन्मदिनानिमित्त रक्तदान शिबीर आयोजित केले होते. त्यात २६ रक्तदात्यांनी रक्तदान करून शिबिर यशस्वी केले. यावेळी भिक्खू संघासह बसपाचे प्रदेश महासचिव दिगांबरराव ढोले, जिल्हाध्यक्ष मनीष कावळे, बहुजन संघर्ष सेनेचे सुखदेव चिखलीकर, नगरसेवक संदीप सोनकांबळे, नगरसेवक सुभाष रायबोले आदींची उपस्थिती होती.
आस संघटनेचे निवेदन
नांदेड - डिसेंबर २००५च्या शिक्षक सेेेेवक पद भरतीमधील सर्व शिक्षकांना जुनी पेन्शन योजनेचा लाभ मिळण्यासाठी डिसेंबर २००५च्या शिक्षण सेवक पद भरती प्रक्रियेच्या संचिकेतील सर्व टिपण्यांसह निवड याद्या व अनुषंगिक सर्व कागदपत्रांच्या छायांकित प्रतीची मागणी आस शिक्षक संघटनेच्या वतीने प्रांताध्यक्ष युवराज पोवाडे यांनी केली आहे. यावेळी जिल्हा सरचिटणीस सुधाकर गायकवाड, जिल्हा पदाधिकारी, तसेच २००५ च्या पद भरतीमधील शिक्षक सत्यजित चौहान, नरेश पुनकेवार, किशोर पाटील आदी उपस्थित होते. दरम्यान, माहिती अधिकार अधिनियमानुसार माहिती मागूनही माहिती देण्यास टाळाटाळ केल्याचे निवेदनात म्हटले आहे.