गुंटूरमधून जनावरे चोरीस
नांदेड- आखाड्यावर बांधून ठेवलेली जनावरे चोरून नेल्याची घटना कंधार तालुक्यातील गुंटूर येथे सोमवारी रात्री घडली. याप्रकरणी कंधार ठाण्यात गुन्हा दाखल केला. गुंटूर येथील नरसिंग संग्राम आगलावे यांनी आपल्या आखाड्यावर जनावरे बांधली होती. त्यातील दोन म्हशी व दोन बैल चोरट्यांनी चोरून नेले.
जुन्या वादातून महिलेवर हल्ला
नांदेड - जुन्या वादातून एका महिलेवर हल्ला करीत रॉडने मारहाण केल्याची घटना शहरातील दत्तनगर भागात घडली. मगनपुरा येथील संगीता अशोक मातेकर या दत्तनगर भागातून घरी जात असताना आरोपींनी त्यांना अडवले. जुन्या वादातून रॉडने मारहाण केली. याप्रकरणी महिलेच्या तक्रारीवरून गुन्हा दाखल केला.
चोरट्यांनी केला ऑटो लंपास
नांदेड - रस्त्याच्या बाजूला ऑटो उभा करून चालक भाजीपाला घेत असताना चोरट्यांनी ऑटोच लंपास केल्याची घटना वसंतनगर येथे सोमवारी सायंकाळी घडली. वसंतनगर येथील माधव पांडुरंग वसुरे आपला एमएच २६ बीडी ४५९९ क्रमांकाचा ऑटो थांबवून भाजीपाला घेण्यासाठी गेले. तेवढ्याच वेळात तो ऑटो चोरट्यांनी लंपास केला. याप्रकरणी शिवाजीनगर ठाण्यात गुन्हा दाखल केला.