धुर्यावर बैल बांधल्याने मारहाण
अर्धापूर तालुक्यातील देळूब येथे धुर्यावर बैल बांधल्याच्या कारणावरून महंमद तस्लीम महंमद अजमतउल्ला यांना मारहाण करण्यात आली. गेल्या एक वर्षापासून त्यांचा आरोपीसोबत शेतीसाठी वाद सुरू होता. मारहाणीला या वादाचीही किनार आहे. या प्रकरणात अर्धापूर ठाण्यात गुन्हा नोंद झाला.
फारुखनगर येथे जुगारावर धाड
शहरातील फारुखनगर भागात सुरू असलेल्या मटका अड्डयावर पोलिसांनी धाड मारली. २२ जूनरोजी ही कारवाई करण्यात आली. यावेळी दीड हजार रुपये जप्त करण्यात आले असून, विमानतळ पोलीस ठाण्यात गुन्हा नोंद झाला.
देगलूर परिसरात अवैध दारू पकडली
देगलूरचे सावित्रीबाई फुले हायस्कूल ते संजीवनी हॉस्पिटल रस्त्यावर अवैध देशी दारू घेऊन जात असलेल्या एकाला पोलिसांनी पकडले. त्याच्याकडून साडेचार हजार रुपयांची दारू आणि ४४ हजारांची दुचाकी जप्त केली. याप्रकरणी देगलूर ठाण्यात गुन्हा नोंद झाला आहे.