शिवजयंती उत्साहात
आरळी : बिलोली तालुक्यातील तोरणा येथील ग्रामपंचायतीत शिवजन्मोत्सव साजरा करण्यात आला. सरपंच मारोती वाघमारे यांच्या हस्ते छत्रपती शिवाजी महाराजांच्या प्रतिमेचे पुजन करण्यात आले. यावेळी उपसरपंच आनंद नरवाडे, सुरेश हिवराळे, पांडुरंग हिवराळे, माणिकराव नरवाडे, गुलाबराव नरवाडे, लक्ष्मण गायकवाड आदींची उपस्थिती होती.
राष्ट्रवादी युवकच्या विधानसभा अध्यक्षपदी भागानगरे
बारूळ : राष्ट्रवादी युवकच्या विधानसभा अध्यक्षपदी शरद भागानगरे यांची फेरनिवड जिल्हा अध्यक्ष दिलीपदादा धोंडगे यांनी केली. या निवडीचे आ. शंकरअण्णा धोंडगे, जिल्हा परिषद सदस्य विजय पाटील धोंडगे यांनी स्वागत केले.
शिवजयंती साजरी
मुगट- येथील ग्रामपंचायत कार्यालयात छत्रपती शिवाजी महाराजांची जयंती साजरी करताना सरपंच कांताबाई वंजे, संचालक भीमराव पा. कल्याणे, ग्रामविकास अधिकारी राजेश्वर भुरे, नूतन ग्रामपंचायत सदस्य यावेळी उपस्थित होते.
महालिंग येथे विद्यार्थ्यांना पुस्तकांचे वाटप
कुरुळा : महालिंगी तालुका कंधार येथे छत्रपती शिवाजी महाराज यांच्या जयंतीनिमित्त सर्व विद्यार्थ्यांना मोफत महापुरुषांचे जीवनचरित्र असलेले, तसेच यश आपल्या हातात, अभ्यास कसा करावा आदी उपयुक्त पुस्तकांचे वाटप करण्यात आले. याप्रसंगी सरपंच प्रतिनिधी संत तुका गिते, उपसरपंच नागोराव गुट्टे, नागोराव केंद्रे, मुख्याध्यापक सूर्यवंशी सर, सर्व शिक्षक बांधव व गावातील नागरिक धोंडीराम गीते, सचिन भालेराव, हनुमंत गुट्टे, बालाजी राहुल केंद्रे व सर्व विद्यार्थी उपस्थित होते.