भोकरमध्ये शिवजन्मोत्सव उत्साहात साजरा

शहरातील सार्वजनिक शिवजन्मोत्सव समितीच्या वतीने छत्रपती शिवाजी चौक येथे छत्रपती शिवाजी महाराज यांच्या प्रतिमेचे पूजन करुन अभिवादन करण्यात आले. माजी नगराध्यक्ष संगीता पाटील चिंचाळकर यांच्या हस्ते भगव्या ध्वजाचे ध्वजारोहण करण्यात आले. शहरातील प्रमुख रस्त्यावरुन शिवप्रेमींनी मोटार सायकल रॅली काढली होती. तसेच रक्तदान शिबीर घेण्यात आले. जि. प. सभापती बाळासाहेब रावणगावकर, सभापती जगदीश पाटील भोसीकर, माजी नगराध्यक्ष विनोद पाटील चिंचाळकर, दिलीपराव सोनटक्के, साहेबराव सोमेवाड, प्रा.व्यंकट माने, शिवाजी पाटील किन्हाळकर, डॉ. बी.आर. पारवेकर, माधव वडगावकर, गजानन अडकिने, विश्वांभर पवार, आनंद पाटील हस्सापूरकर यांची उपस्थिती होती. शिवजन्मोत्सव निमित्त बालाजी मंदिर येथून निघालेल्या मोटार सायकल रॅलीत सोहम शेट्टे,आकाश गेंटेवार,पवन पा.पवार, कृष्णा पा. कोंडलवार, आकाश टाक, प्रशांत देशमुख, महेश लांडगे, संदीप डांगे,राजू कवडे, अविनाश वर्षेंवार, प्रतीक चामुंडा, नितीन बल्लाळकर आदीसह अनेकांनी सहभाग घेतला होता.