देशमुख यांचे निवेदन
नांदेड, पवित्र पोर्टलद्वारे ९ ऑगस्ट २०१९ रोजी मुंबई महानगरपालिकेत प्राथमिक शिक्षक पदासाठी निवड झालेल्या १५० उमेदवारांना नियुक्तीसाठी कार्यवाही करावी या मागणीचे निवेदन युवा सेनेचे सचिव वरुण सरदेसाई यांना देण्यात आले. यावेळी युवाशाही संघटनेचे प्रमुख तुषार देशमुख यांनी सरदेसाई यांच्यासमवेत चर्चा करून प्रश्न मार्गी लावण्याचे आग्रह धरला.
सेवा गौरव सोहळा
नांदेड -उपमुख्याध्यापक पदावरून निवृत्त झालेल्या गोविंदराव हंबर्डे यांचा ‘सेवा गौरव सोहळा’ मान्यवरांच्या उपस्थितीत चोंडी आंबा येथील गोरखनाथ विद्यालयात संपन्न झाला. अध्यक्षस्थानी गुंडूराव भोसले तर संस्थेचे माजी अध्यक्ष दत्तराव अडकिणे, संस्थेचे संचालक ॲड रामचंद्र बागल, काळेश्वर ट्रस्टचे सचिव शंकरराव हंबर्डे, नानक साई फाउंडेशनचे प्रमुख पंढरीनाथ बोकारे, बाळासाहेब महागावकर, ॲड. अशोकराव सावंत आदींची प्रमुख उपस्थिती होते.