हातभट्टीवर कारवाई
हदगाव - मनाठा पोलीस ठाण्याच्या कार्यक्षेत्रात हातभट्टीवर पोलिसांनी छापे मारले. पोलीस निरीक्षक विनोद चव्हाण यांच्या मार्गदर्शनाखाली सहायक पोलीस निरीक्षक चिट्टेवार, कर्मचारी शाम वडजे, वाघमारे, दत्ता वडजे, नरवाडे यांनी ही कारवाई केली. दारूअड्डे उद्‌ध्वस्त केले. अधिक तपास सुरू आहे.
पीएचसीला भेट
हदगाव - जिल्हा परिषदेच्या मुख्य कार्यकारी अधिकारी वर्षा ठाकूर घुगे यांनी तामसा येथील प्राथमिक आरोग्य केंद्राला भेट देऊन तेथील कामकाजाची पाहणी केली. यावेळी जिल्हा आरोग्य अधिकारी डॉ.बालाजी शिंदे, गटविकास अधिकारी केशव गड्डापोड, तालुका आरोग्य अधिकारी डॉ.दीपक कदम, ग्रामविकास अधिकारी आनंद शेळके, वैद्यकीय अधिकारी डॉ.सचिन संगपवाड, डॉ.स्मिता राठोड उपस्थित होते. यावेळी ठाकूर यांच्या हस्ते वृक्षारोपण करण्यात आले. सूत्रसंचालन सुभाष राठोड यांनी केले. तर डॉ.बोदरवाड यांनी आभार मानले.
इस्लापूरला जोरदार पाऊस
इस्लापूर - इस्लापूर, शिवणी, जलधारा परिसरात जोरदार पाऊस झाल्याने पिकांना जीवदान मिळाले. नदी-नाल्यात पाणी वाहू लागल्याने शेतकरी समाधानी झाले आहेत. यावेळी मृग नक्षत्रात जोरदार पावसाने हजेरी लावली. नंतर मात्र दडी मारल्याने शेतकरी चिंताग्रस्त झाले होते.
नामफलकाचे अनावरण
लोहा - तालुक्यातील फुलमाळ तांडा व उमरा येथे गोरसेना संघटनेच्या फलकाचे अनावरण मान्यवरांच्या उपस्थितीत झाले. कार्यक्रमाला प्रकाश पवार, निळू पवार, अरविंद राठोड, अमोल राठोड, गुलाब जाधव, राहुल जाधव, नामदेव पवार, सतीश राठोड, रामराव राठोड, गोविंद जाधव, बालाजी पवार, मोहनराव पवार यांची उपस्थिती होती.
अधिकाऱ्यांचा सत्कार
माहूर - पशुधनाची लाळ खुरकुत लसीचे उद्दिष्ट पूृर्ण केल्याबद्दल माहूर पशुसंवर्धन विभागातील अधिकारी व कर्मचाऱ्यांचा जि.प. मुख्य कार्यकारी अधिकारी वर्षा ठाकूर यांच्या हस्ते सत्कार करण्यात आला. यावेळी जिल्हा पशुसंवर्धन अधिकारी डॉ.बोधनकर, पशुधन विकास अधिकारी डॉ.अरविंद गायकवाड, गटविकास अधिकारी डॉ.योेगेश पाटील, पशुधन विकास अधिकारी डी.एस.मिरगे यांची उपस्थिती होती. यानंतर घुगे यांनी कुपटी पशुउपचार केंद्राला भेट दिली.
हदगावला राष्ट्रवादीचे आंदोलन
हदगाव - पेट्रोल, डिझेल व गॅस दरवाढीच्या विरोधात हदगाव येथे केंद्र सरकारविरुद्ध घोषणाबाजी करत धरणे आंदोलन करण्यात आले. आंदोलनात तालुकाध्यक्ष देशमुख, जिल्हा उपाध्यक्ष डॉ.देवराव पाटील, शहराध्यक्ष अभिजित रुद्रकंठवार, फेरोज अली खान, अमोल कदम, राजेश राऊत, राजू पाटील, शफी पटेल, प्रशांत सिंगनवाड, सुनील मगर, फयाज खान, देवा पाटील, शुभम कदम आदी उपस्थित होते.
सिंदगी परिसरात पाऊस
किनवट - तालुक्यातील सिंदगी परिसरात पावसाने दमदार हजेरी लावल्याने शेतकरी समाधानी झाले आहेत. तब्बल सात ते आठ तास पावसाने हजेरी लावली होती. पावसामुळे पिकांत उगवण झाली आहे.
कंधारात हाणामारी
कंधार - फळांच्या गाड्यावरून कंधारमधील शिवाजी हायस्कूलसमोर मारामारी झाल्याची घटना २ जुलै राेजी घडली. पोलिसांनी सहा जणांविरुद्ध या प्रकरणी गुन्हा नोंदवला. पोलीस उपनिरीक्षक मुखेडकर तपास करीत आहेत.
करडखेड येथे आंदोलन
देगलूर - करडखेड ग्रामपंचायत कार्यालयासमोर दिव्यांगांनी थाळीनाद आंदोलन करून मानधन देण्याची मागणी केली. आंदोलनात तालुकाध्यक्ष अनिल रामदीनवार, शाखा प्रमुख शिवाजी शिंदे, रवि ठाकूर, कोकणे, ग्रामपंचायत सदस्य जयदीप गाडे, बालाजी इबितदार, बालाजी शिंदे, मारोती शिंदे, तेलंग आदी उपस्थित होते.
वरुण सरदेसाई यांचे स्वागत
लोहा - लोहा येथे युवा सेनेचे राज्य सचिव वरुण सरदेसाई यांचे शिवसेनेच्या वतीने स्वागत करण्यात आले. यावेळी जिल्हाप्रमुख आनंदराव बोंढारकर, माधव पावडे, मिलिंद पाटील, गणेश तुप्तेवार, स्वप्नील पाटील, चंद्रकांत पाटील, धनंजय पाटील, बालाजी गाडेकर, गजानन कराडे, अमर शेख यांची उपस्थिती होती.
घरपोच अनुदान वाटप
हिमायतनगर - खावटी अनुदान योजनेचे १ हजार १३५ लाभार्थ्यांना घरपोच अनुदान वाटप करण्यात आले. लाभार्थ्यांना मटकी, उडीद दाळ, चवळी, पांढरा वटाणा, गरम मसाला, शेंगदाणा तेल, मिरची पावडर, साखर, चहा पावडर आदींचे वाटप करण्यात आले.
प्रल्हाद वाघमारे सेवानिवृत्त
मुदखेड - जिल्हा बँकेच्या माळकौठा शाखेचे लेखापाल प्रल्हाद वाघमारे सेवानिवृत्त झाल्याने त्यांना एका कार्यक्रमात निरोप देण्यात आला. यावेळी प्रशासकीय व्यवस्थापक माणिकराव कदम, नगरसेवक कमलेश चौदंते, मुख्याध्यापक रामप्रसाद सोनी, पप्पू कालानी, शाम पवळे, मनोज कमटे, इश्वर पिन्नलवाड, शिवानंद देवके, व्ही.आर.कदम, केशवराव लोखंडे, किशन गिरी महाराज, नारायण नरडीले आदी उपस्थित होते.