शांतता समितीची बैठक
किनवट - येथील उपविभागीय कार्यालयात शांतता समितीची बैठक आ.भीमराव केराम यांच्या उपस्थितीत घेण्यात आली. बैठकीला नगराध्यक्ष आनंद मच्छेवार, उपविभागीय अधिकारी मंदार नाईक, माजी नगराध्यक्ष हाजी इसाखान, के.मूर्ती, साजीद खान, प्रशांत ठमके, अनिल तिरमनवार, डॉ.अशोक बेलखोडे, करपुडे पाटील, राघू मामा, हबीब चव्हाण उपस्थित होते. पोलीस निरीक्षक मारोती थोरात यांनी प्रास्ताविक व आभार मानले.
सरपंच संघटनेचे निवेदन
कामठा बु. - दिल्ली येथे उपोषणास बसलेल्या शेतकऱ्यांना पाठिंबा देण्यासाठी जिल्हाधिकारी कार्यालयासमोर राज्य सरपंच संघटनेच्या वतीने एकदिवसीय धरणे आंदोलन करण्यात आले. तसेच सरपंच संघटना व दशमेश चॅरिटेबल ट्रस्टच्या वतीने उपोषण करण्यात आले. उपोषणात जिल्हाध्यक्ष दासराव हंबर्डे, समन्वयक रणजीतसिंघ कामठेकर, राज्य सरचिटणीस गोपाळ पाटील, ॲड. सुभाष कल्याणकर, शंकर कंधारे, देवेंद्रसिंघ कामठेकर, रघुवीरसिंघ बुंगई, नानकसिंघ डोरलीवाले आदी उपस्थित होते.
मोटारसायकल लंपास
लोहा - येथील बसस्थानक परिसरातून कैलास खिल्लारे यांची दुचाकी चोरट्यांनी लांबविली. लोहा पोलीस स्थानकात याप्रकरणी खिल्लारे यांनी तक्रार दिली. तपास सुरू आहे.
मोबाईल लंपास
किनवट - गोकुंदा येथील एकतानगर भागातून सतीश खांडरे यांचा मोबाईल चोरट्यांनी लांबविला. सदर मोबाईल घरातील सोफ्यावर ठेवण्यात आला होता. किनवट पोलिसांनी या घटनेची नोंद घेतली आहे.