जयंती सोहळ्यादरम्यान गोपीनाथरावांच्या अष्टपैलू व्यक्तिमत्त्वावर अनेकांनी प्रकाश टाकला. त्यांच्या ‘घाबरू नकोस, मी तुझ्या पाठीशी आहे.’ या प्रेरणादायी वाक्याचा उल्लेख करून आजच्या युवा पिढीने गोपीनाथरावांच्या पावलावर पाऊल टाकण्याची नितांत गरज असल्याचे मनोगत अनेकांनी व्यक्त केले.
संत भगवानबाबा कर्मचारी बचत गटाच्या वतीने १२ डिसेंबर २०२० रोजी गोकुंदा येथील स्व.बाळासाहेब ठाकरे चौकात लोकनेते स्व. गोपीनाथराव मुंडे यांचा ७१ वा जयंती सोहळा दुपारी ११ वाजता पार पडला. यावेळी त्यांना अभिवादन करण्यात आले. याप्रसंगी आमदार भीमराव केराम, किनवट नगर परिषदेचे नगराध्यक्ष आनंद मच्छेवार, भाजपचे तालुका अध्यक्ष संदीप केंद्रे, माजी नगराध्यक्ष सुनील पाटील, शिवसेनेचे तालुका प्रमुख बालाजी मुरकुटे पाटील, सुरज सातुरवार, परविना शेख, बिभीषण पाळवदे, माधव कागणे, आत्माराम मुंडे, पंचायत समितीचे माजी उपसभापती गजानन कोल्हे पाटील, यशवंतराव कराळे पाटील, मुख्याध्यापक नागनाथ कराड, अनिरुद्ध केंद्रे, मुख्याध्यापक श्याम मुंडे, प्रा. एस. एस. चाटे, प्रा. किशन मिराशे, श्रीहरी मुंडे सावरीकर, सुनील गिते, रमेश आंधळे, नामदेवराव केंद्रे, चंदू जायभाये या विविध मान्यवरांसह नागरिक मोठ्या संख्येने उपस्थित होते.