महिलेची पाच हजारांची सायकल लंपास
हदगांव येथे साडीच्या दुकानासमोर उभी केलेली पाच हजार रुपये किमतीचे सायकल चोरट्याने लंपास केली. ही घटना १२ जुलै रोजी घडली. शीलाबाई मोहन चव्हाण असे महिलेचे नाव असून, त्यांचे साडीचे दुकान आहे. या प्रकरणात हदगांव पोलीस ठाण्यात गुन्हा नोंद झाला.
मूलबाळ होत नसल्याने छळ
मूलबाळ होत नसल्याने शिवीगाळ करून पीडितेचा छळ करण्यात आला, तसेच शेती घेण्यासाठी माहेराहून दहा लाख रुपये आणण्याची मागणी करण्यात आली. या प्रकरणात मयूर दिलीप खरवडकर, अंजली खरवडकर आणि दिलीप खरवडकर यांच्या विरोधात भाग्यनगर पोलिसांनी गुन्हा नोंदविला.
चारित्र्यावर संशय घेऊन मारहाण
हदगांव तालुक्यातील नाव्हा येथे चारित्र्यावर संशय घेऊन विवाहितेला मारहाण करण्यात आली. या प्रकरणात विनोद अंबादास मिरासे, अंबादास मारोती मिरासे, निर्मलाबाई मिरासे, भारत मिरासे सर्व रा.फुलसांगवी ता.महागाव यांच्या विरोधात मनाठा पोलीस ठाण्यात गुन्हा नोंद झाला.