माैदा : पैशाचा वाद सुरू असताना तरुणाने अश्लील शिवीगाळ करून नका, अशी सूचना करताच त्याच्या पाेटावर चाकूने वार करण्यात आले. त्यात ताे गंभीर जखमी झाला. ही घटना माैदा पाेलीस ठाण्याच्या हद्दीतील तारसा येथे रविवारी (दि. २०) दुपारी १२ वाजताच्या सुमारास घडली.
मनीष विश्वनाथ सावरकर (२६, रा. राजीवनगर, भंडारा), भवर जयदेव नानाेटकर (१९, रा. एमएसईबी काॅलनी, भंडारा), मुकेश दिलीप भाेंडे (१९, रा. राजगाेपाल वाॅर्ड, भंडारा) व राेहित परमेश्वर शेंद्रे (१९, रा. कस्तूरचंद पार्क, रजा माेहल्ला, भंडारा), अशी अटकेतील आराेपींची नावे आहेत. हे सर्व जण एमएच-०३/बीसी-९४७० क्रमांकाच्या कारने अजय दाैलत तिल्लीखेडे (२४, रा. तारसा, ता. माैदा) याच्या घरी आले हाेते. त्यांनी अजयचे वडील दाैलत तिल्लीखेडे यांच्याशी पैशाच्या वादातून भांडायला सुरुवात केली. ते अश्लील शिवीगाळ करीत असल्याने अजयचा मित्र प्रतीक, रा. तारसा तिथे आला आणि त्यांना अश्लील शिवीगाळ करू नका, अशी सूचना केली. त्यावर चाैघांपैकी चिडलेल्या एकाने प्रतीकला तू मध्ये बाेलू नकाे म्हणत त्याच्या पाेटावर चाकूने वार केले. त्यानंतर सर्व जण कारने पळून गेले. प्रतीकला माैदा येथील दवाखान्यात भरती करण्यात आले. याप्रकरणी माैदा पाेलिसांनी अजयच्या तक्रारीवरून भादंवि ३२६, ५०४, ३४ अन्वये गुन्हा दाखल करून चारही आराेपींना अटक केली. या घटनेचा तपास पाेलीस उपनिरीक्षक बिरले करीत आहेत.