वाडी : राहत्या घरी गळफास लावून तरुणाने आत्महत्या केली. ही घटना वाडी पाेलीस ठाण्याच्या हद्दीतील लाव्हा ग्रामपंचायतअंतर्गतच्या वाॅर्ड क्र. ३, बकुताईनगर, निर्मल साेसायटी येथे गुरुवारी (दि.९) सकाळी १० वाजताच्या सुमारास उघडकीस आली.
सूरज दिलीप कठाणे (२५, रा. निर्मलनगर, लाव्हा) असे मृत तरुणाचे नाव आहे. घरी कुणीही नसताना गुरुवारी सकाळी ९ ते १० वाजेदरम्यान सूरजने राहत्या घरी छताच्या हुकला नायलाॅन दाेरीने गळफास लावून आपली जीवनयात्रा संपविली. मृत सूरज हा साेनेगाव निपाणी येथील खासगी कंपनीत काम करीत हाेता. त्याचा लहान भाऊसुद्धा त्याच कंपनीत कार्यरत असून, ताे सकाळी कामावर गेला हाेता, तर त्याची आई सकाळी बाहेरगावी गेली हाेती. सूरजची रात्रपाळी असल्याने ताे व त्याचे वडील दाेघेच घरी हाेते. दरम्यान, सूरजने वडिलांना पेट्राेल आणण्यास बाहेर पाठविले हाेते. यादरम्यान घराच्या दाराची आतून कडी लावून त्याने आत्महत्या केली. वडील घरी आल्यानंतर त्यांनी आवाज दिल्यानंतर आतून काहीही प्रतिसाद मिळत नसल्याने त्यांनी धक्का देऊन दार ताेडले असता, सूरज छताला लटकलेल्या अवस्थेत आढळला. लगेच त्यांनी पाेलिसांना सूचना दिली. पाेलिसांनी घटनास्थळ गाठून पंचनामा केला व मृतदेह उत्तरीय तपासणीसाठी मेयाे हाॅस्पिटलमध्ये पाठविला. सूरजच्या आत्महत्येचे कारण कळू शकले नाही.
याप्रकरणी वाडी पाेलिसांनी अकस्मात मृत्यूची नाेंद केली असून, ठाणेदार प्रदीप सूर्यवंशी यांच्या मार्गदर्शनात पाेलीस उपनिरीक्षक गणेश मुंढे पुढील तपास करीत आहेत.
090921\img_20210909_143536.jpg
फोटो