कळमेश्वर : तरुणाने घरी स्वयंपाक खाेलीत गळफास लावून आत्महत्या केली. ही घटना कळमेश्वर पाेलीस ठाण्याच्या हद्दीतील माहुरझरी येथे साेमवारी (दि. २३) दुपारी ३ वाजताच्या सुमारास उघडकीस आली.
विशाल रामूजी धनविजय (२५, रा. माहुरझरी, ता. कळमेश्वर) असे मृत तरुणाचे नाव आहे. त्याला दारूचे व्यसन हाेते, अशी माहिती त्याच्या निकटवर्तीयांनी दिली. त्याने साेमवारी दुपारी दारू प्यायल्यानंतर घरी कुणीही नसताना स्वयंपाक खाेलीत गळफास लावून घेतला. त्याचा धाकटा भाऊ घरी आल्यानंतर त्याला विशाल लटकलेल्या अवस्थेत आढळून आला. माहिती मिळताच पाेलिसांनी घटनास्थळ गाठून मृतदेह उत्तरीय तपासणीसाठी कळमेश्वर येथील ग्रामीण रुग्णालयात आणला. याप्रकरणी कळमेश्वर पाेलिसांनी गाैरव रामूजी धनविजय (२३) याच्या तक्रारीवरून अकस्मात मृत्यूची नाेंद केली आहे. या घटनेचा तपास सहाय्यक फाैजदार माेरेश्वर नागपुरे करीत आहेत.