बेला : घरालगतच्या आबादी जागेच्या वादातून दाेघांनी तरुणास मारहाण करीत जखमी केले. ही घटना बेला पाेलीस ठाण्यांतर्गतच्या पिपरा येथे साेमवारी (दि.७) सकाळी ७.३० वाजताच्या सुमारास घडली.
सागर विठ्ठल झाडे (२१, रा. बेला, ता. उमरेड) असे जखमी तरुणाचे नाव असून, दयाराम नारायण झाेडे व आदित्य दयाराम झाेडे, दाेन्ही रा. पिपरा, ता. उमरेड, अशी आराेपींची नावे आहेत. सागर हा आपल्या घरालगतच्या आबादी जागेवर कुंपण करीत हाेता. त्या गाेठ्याच्या बाजूला आराेपीचा शेणखताचा खड्डा आहे. दरम्यान, आराेपीने ‘ तू येथे कंपाऊंड (कुंपण) का केले’ असे म्हणत सागरला खाली पाडून हाताबुक्कीने मारहाण केली. आराेपी आदित्य याने सागरच्या डाेक्यावर दगडाने मारहाण करीत त्यास जखमी केले. याप्रकरणी बेला पाेलिसांनी भादंवि कलम ३२४, ५०४, ३४ अन्वये गुन्हा नाेंदविला असून, आराेपींचा शाेध सुरू केला आहे. या गुन्ह्याचा पुढील तपास पाेलीस हवालदार अजय चाैधरी करीत आहेत.