- अर्जुनी मोरगाव तालुक्यातील केशोरी गावात गर्द लाल रंगाची व मध्यम तिखट मिरचीची लागवड होते. देवरी, मोरगाव अर्जुनी या दोन तालुक्यांत २०० हेक्टर केशोरी मिरचीचे उत्पादन घेतले जाते. या मिरचीचे उत्पादन गोंदियासह इतर जिल्ह्यांत वाढवून ते सरासरी ४०० हेक्टरपर्यंत घेण्याचे नियोजन आहे.
- ड्रॅगन फ्रूटसाठी गोंदिया, नागपूर, गडचिरोली या जिल्ह्यांत खरीप हंगामामध्ये सरासरी २०.५ हेक्टरमध्ये लागवडीचे नियोजन आहे. या फळांच्या लागवडीचा प्रति एकरी खर्च ३ लाख १३ हजार रुपये असून सरासरी उत्पादन ७ मे. टन प्रति एकर आहे. सरासरी ७५ रुपये प्रति किलोप्रमाणे दर व एकरी ५ लाख २५ हजार रुपयांचे उत्पन्न अपेक्षित आहे.
- भाजीपाला पिकामध्ये करटोली व विदेशी भाजीपाला, सुगंधी वनस्पतीमध्ये सिंट्रोनेला तसेच मसाला पिकांमध्ये भिवापुरी मिरची, केशोरी मिरची, हळद व वायगाव हळद या पिकांना प्राधान्य देण्यात आले आहे.
- नागपूर विभागात ४,२३३ हेक्टरमध्ये रब्बी ज्वारी, गडचिरोली व भंडारा जिल्ह्यात १२० हेक्टरमध्ये लाल भात, १६३ हेक्टरमध्ये काळा भात, १,१६० हेक्टर करडई, १,५४७ हेक्टर जवस, २,४०४ हेक्टरमध्ये तीळ तर ३,०९५ हेक्टर भुईमूग या पिकांचे नियोजन आहे.