लाेकमत न्यूज नेटवर्क
रेवराल : दाेघांनी फाेनवर बाेलत जात असलेल्या महिलेस चाकूचा धाक दाखवित तिच्या गळ्यातील साेन्याचे मंगळसूत्र हिसकावून पळ काढला. ती महिला चाेर चाेर ओरडताच पानटपरीवर असलेला तिचा पती मदतीला धावला. त्याने चाेरट्यांच्या माेटरसायकलची चाबी काढून कचऱ्यात फेकली. त्यातच नागरिकांनी पाठलाग करून त्या दाेन्ही चाेरट्यांना पकडले व पाेलिसांच्या स्वाधीन केले. ही घटना माैदा पाेलीस ठाण्याच्या हद्दीतील तारसा जाॅईंट येथे बुधवारी (दि. २१) सायंकाळी ४.३० वाजताच्या सुमारास घडली.
रवी अदालत राजभर (२७, रा. कन्हान, खान क्रमांक-३, ता. पारशिवनी) व गोविंद गोपूल प्रसाद (२८, रा. सतभरिया, महुआ, गोरखपूर, जिल्हा खुशीनगर) अशी अटक करण्यात आलेल्या चाेरट्यांची नावे आहेत. रिना लेखराम गणवीर (३२, रा. तारसा, ता. माैदा) यांचे पती लेखराम यांची तारसा जाॅईट येथे पानटपरी आहे. त्या दुपारी पानटपरीवर हाेत्या. दुपारी दाेघेही पानटपरीवर आले आणि त्यांनी चहा व सिगारेट मागितली. पाऊस सुरू असल्याने दाेघेही पानटपरीच्या आडाेशाला उभे हाेते.
काही वेळाने रिना फाेनवर बाेलत घराकडे निघाल्या. काही दूर जाताच रवीने त्यांना चाकू दाखवित त्यांच्या गळ्यातील मंगळसूत्र हिसकावून घेतले. त्याचवेळी गाेविंद माेटरसायकलवर बसला हाेता. त्या चाेर चाेर ओरडताच लेखराम यांनी मदतीला धावत चाेरट्याच्या माेटरसायकलची चाबी काढून कचऱ्यात फेकली. त्यामुळे दाेघांनी माेटरसायकल साेडून पळ काढला. त्यामुळे नागरिकांनी दाेघांचाही पाठलाग सुरू केला.
दाेघेही धावताना काेसळले व नागरिकांनी त्यांना ताब्यात घेत पानटपरीजवळ आणले. माहिती मिळताच पाेलिसांनी घटनास्थळ गाठून दाेघांना ताब्यात घेत अटक केली. याप्रकरणी माैदा पाेलिसांनी भादंवि ३९२, ३४ अन्वये गुन्हा दाखल करून तपास पोलीस निरीक्षक विजय जाधव करीत आहेत.
220721\img_20210722_163335.jpg
फोटो आरोपी असलेली