नागपूर : नवव्या मजल्यावरून उडी मारून एका महिलेने जीव दिल्याची घटना रामदासपेठेतील कल्पना बिल्डिंगमध्ये घडली. तनुजा ऊर्फ पिंकी विजय जायसवाल (४८) असे मृत महिलेचे नाव आहे. तनुजा तिसऱ्या मजल्यावरील फ्लॅटमध्ये आपली आई आणि मोठी बहीण शैलजासोबत राहत होती. दोघीही बहिणी अविवाहित आहेत. गुरुवारी सकाळी तनुजा अपार्टमेंटच्या नवव्या मजल्यावर गेली. तेथे स्टुलवर उभी राहून तिने खाली उडी मारली. त्यामुळे तिचा घटनास्थळीच मृत्यू झाला. घटनेची माहिती मिळताच सीताबर्डी पोलीस कल्पना बिल्डिंगमध्ये पोहोचले. त्यांनी तनुजाचा मृतदेह शवविच्छेदनासाठी मेडिकलमध्ये पाठविला. पोलिसांना तनुजाने आत्महत्येपूर्वी लिहिलेली चिठ्ठी आढळली. त्यात तिने आपण स्वखुशीने आत्महत्या करीत असून, त्यासाठी आईची माफी मागितली. सीताबर्डी पोलिसांनी अकस्मात मृत्यूची नोंद केली आहे.
...........