नागपूर : प्रवाशांच्या सुविधेसाठी आणि वाढलेली प्रतीक्षा यादी पाहून मध्य रेल्वेच्या नागपूर विभागातून धावणारी ०२१४० जबलपूर-यशवंतपूर सुपरफास्ट विशेष रेल्वेगाडी क्रमांक ०२१४० जबलपूर-यशवंतपूर ५ डिसेंबरपासून प्रत्येक शनिवारी तसेच रेल्वेगाडी क्रमांक ०२१३९ यशवंतपूर-जबलपूर सुपरफास्ट रेल्वेगाडी ६ डिसेंबरपासून पुढील सूचनेपर्यंत धावणार आहेत.
रेल्वे प्रशासनाने घेतलेल्या निर्णयानुसार रेल्वेगाडी क्रमांक ०२१४० जबलपूर-यशवंतपूर विशेष रेल्वेगाडी जबलपूरवरून सकाळी ६.४५ वाजता सुटेल. ही गाडी नागपूरला दुपारी ३.१५ वाजता आणि यशवंतपूरला दुसऱ्या दिवशी दुपारी १.३० वाजता पोहोचणार आहे. परतीच्या प्रवासात रेल्वेगाडी क्रमांक ०२१३९ यशवंतपूर-जबलपूर सुपरफास्ट विशेष रेल्वेगाडी यशवंतपूरवरून ६ डिसेंबरपासून प्रत्येक रविवारी दुपारी ३.५० वाजता सुटेल. ही गाडी नागपूरला दुपारी १.२० वाजता आणि जबलपूरला दुसऱ्या दिवशी रात्री ११.३५ वाजता पोहोचेल. दोन्ही गाड्यात एकुण २२ कोच असून यात २ द्वितीय वातानुकुलित, ४ तृतीय वातानुकुलित, ९ स्लिपर, ४ साधारण द्वितीय श्रेणी, २ ब्रेक कम जनरेटर कार आणि एक पेंट्रीकारचा समावेश आहे.
.........