लोकमत न्यूज नेटवर्क
नागपूर : महावितरण, कामठी यांनी ३३ केव्ही आणि ११ केव्ही या विद्युत वाहिनीवर आज शुक्रवारी सकाळी १० ते २ दरम्यान ४ तासांचे शटडाऊन घेण्याचे ठरविले आहे. त्यामुळे कन्हान जलशुद्धीकरण केंद्र ४ तासाकरिता बंद राहणार असल्याने या जलशुद्धीकरण केंद्रावर आधारित लकडगंज , सतरंजीपुरा, नेहरूनगर व आशीनगर झोनमधील २८ जलकुंभांचा पाणीपुरवठा बाधित राहणार आहे.
पाणीपुरवठा बंद राहणाऱ्या वस्त्या
आशीनगर झोन : बेझनबाग जलकुंभ, बिनाकी एग्झिस्टिंग, बिनाकी १ व २, इंदोरा १ व २, गमदूर डायरेक्ट टॅपिंग, आकाशवाणी डायरेक्ट टॅपिंग, जसवंत टॉकीज डायरेक्ट टॅपिंग.
सतरंजीपुरा झोन : बस्तरवारी १, २ अ व २ ब, शांतीनगर जलकुंभ, वांजरी (विनोबा भावेनगर), इटाभट्टी डायरेक्ट टॅपिंग
नेहरूनगर झोन : नंदनवन (जुने) जलकुंभ, नंदनवन १ व २, सक्करदरा १, २ व ३, ताजबाग व खरबी जलकुंभ.
लकडगंज झोन : भांडेवाडी, देशपांडे ले-आऊट (भरतवाडा), लकडगंज, मिनिमातानगर, सुभाननगर, कळमना व पारडी १ व २ जलकुंभ आदींचा समावेश आहे. शटडाऊनदरम्यान टँकरद्वारेही पाणीपुरवठा होऊ शकणार नाही. नागरिकांनी सहकार्य करावे, असे आवाहन महारपालिका व ऑरेंज सिटी वॉटर यांनी केले आहे.