श्लोक मूर्ती व चित्रांचे अनोखे प्रदर्शन

बहुचर्चित पेंटिंग, मूर्ती व चित्रांचे श्लोक प्रदर्शन जुलै महिन्यात आयोजित करण्यात येणार आहे. या वर्षीच्या प्रदर्शनातील प्रवेश सुरू झाले असून २० जून २०१४ ही प्रवेशाची अंतिम तारीख आहे. विदर्भातील सर्व

नागपूर : बहुचर्चित पेंटिंग, मूर्ती व चित्रांचे श्लोक प्रदर्शन जुलै महिन्यात आयोजित करण्यात येणार आहे. या वर्षीच्या प्रदर्शनातील प्रवेश सुरू झाले असून २० जून २०१४ ही प्रवेशाची अंतिम तारीख आहे. विदर्भातील सर्व कलाकारांसाठी ही सुवर्णसंधी असून कलाकारांची तीन गटांत वर्गवारी करण्यात आली आहे. यात पेंटिंग, मूर्ती, ग्राफिक्स प्रिंट यांचा समावेश असेल. प्रदर्शनात कलाकारांना दोन्ही गटात पुरस्कार मोबदला व प्राविण्य प्रमाणपत्रे देण्यात येणार आहेत. प्रत्येक विद्यार्थी कलाकाराला आपल्या पेंटिंगच्या छायाचित्रामागे महाविद्यालयाच्या ओळखपत्राची अ‍ॅटेस्टेड केलेली छायाप्रत लावावी लागेल. या प्रदर्शनात सहभागी होणारे व्यावसायिक व इतर कलाकार पदवीधर असावेत, तसेच कलाकाराचे ३-४ सोलो एक्झिबिशन किंवा ग्रुप एक्झिबिशन झालेले असावेत. फोटो प्रवेशाच्या वेळी कलाकाराने आपला बायोडाटा सोबत द्यावा. प्रवेशासाठी जमा केलेली छायाचित्रे परत केली जाणार नाहीत. प्रत्येक कलाकार चार पेंटिग्ज पाठवू शकेल.विद्यार्थी कलाकारांना प्रति पेंटिंगसाठी १५० शुल्क जमा करावे लागणार आहे. व्यावसायिक व इतर कलाकारांकडून प्रति पेंटिंग ३०० रुपये शुल्क आकारण्यात येईल. कोणत्याही कारणाने भरलेली फी परत केली जाणार नाही. सर्व पेंटिंगच्या मागे कलाकाराचे नाव, जन्मतारीख पत्ता, पेंटिंगचे शीर्षक, माध्यम, आकार, मूल्य इत्यादी तपशील असावा. प्रदर्शनासाठी पाठवावयाच्या चित्राच्या कॅनव्हासचे आकारमान ३ फूट बाय ३ फूट निश्चित करण्यात आले असून फ्रेमची मोडतोड झाल्यास त्याची जबाबदारी संबंधित कलाकारांचीच राहील. माउंट बोर्डवरील पेंटिंग स्वीकारल्या जाणार नाहीत. प्रदर्शनासाठी निवड झालेली वॉटर कलर व चारकोलने रेखाटलेली चित्रे अ‍ॅक्रॅलिक काचेच्या फ्रेममध्ये असावीत. प्रदर्शनात पेंटिंग व इतर कलाकृतींची विक्री होऊ शकेल. यासंदर्भात अंतिम निर्णय आयोजन पथकाकडे राहील. या प्रदर्शनामुळे सर्व कलाकारांना एक व्यासपीठ मिळणार आहे. या प्रदर्शनाविषयी अधिक माहितीसाठी ९४२३६८०५११ / ९४२३६२८५०० या क्रमांकावर संपर्क साधावा, असे आवाहन करण्यात आले आहे. (प्रतिनिधी)