बुटीबाेरी : वेगात आलेल्या वाहनाने माेटरसायकलला जाेरात धडक दिली. त्यात गंभीर जखमी झालेल्या दुचाकीचालकाचा उपचाराला नेताना वाटेत मृत्यू झाला. ही घटना बुटीबाेरी (ता. नागपूर ग्रामीण) पाेलीस ठाण्याच्या हद्दीतील तारसी शिवारात घडली.
दिनेश कवडू उईके (३८, रा. तारसी, ता. नागपूर ग्रामीण) असे मृताचे नाव आहे. ते एमएच-४०/क्यू-१७११ क्रमांकाच्या माेटरसायकलने धवळपेठहून तारसी येथे जात हाेते. गावाजवळ पाेहाेचताच वेगात आलेल्या चारचाकी वाहनाने त्यांच्या माेटरसायकलला जाेरात धडक दिली. त्यात गंभीर दुखापत झाल्याने त्यांना लगेच नागपुरातील मेडिकल हाॅस्पिटलमध्ये नेण्यात आले. तिथे डाॅक्टरांनी तपासणीअंती त्यांना मृत घाेषित केले. याप्रकरणी बुटीबाेरी पाेलिसांनी अज्ञात वाहनचालकाविरुद्ध भादंवि २७९, ३०४ (अ) अन्वये गुन्हा दाखल केला असून, या घटनेचा तपास सहायक फाैजदार संजय खंडारे करीत आहेत.