बुटीबाेरी : अज्ञात भरधाव वाहनचालकाने दुचाकीला जबर धडक दिली. त्यात गंभीर दुखापत झाल्याने दुचाकीस्वार एकाचा उपचारादरम्यान मृत्यू झाला तर, दुचाकीचालक गंभीर जखमी झाला. ही घटना बुटीबाेरी एमआयडीसी पाेलीस ठाण्याच्या हद्दीतील रिलायन्स कंपनी परिसरात नुकतीच घडली.
इस्ताक मुस्ताक खान असे मृताचे नाव असून, नरेश ऊर्फ याेगेश पांडे (२२, रा. फेटरी, ता. कळमेश्वर) असे जखमी दुचाकीचालकाचे नाव आहे. नरेश पांडे व त्याचा मित्र इस्ताक हे दाेघेही एमएच-४०/बीएक्स-८६३८ क्रमांकाच्या दुचाकीने जात हाेते. दरम्यान, बुटीबाेरी एमआयडीसी परिसरातील रिलायन्स कंपनीलगतच्या पुलाजवळ विरुद्ध दिशेने येणाऱ्या अज्ञात भरधाव वाहनाने त्यांच्या दुचाकीला जाेरात धडक दिली. त्यात नरेश व इस्ताक दाेघेही गंभीर जखमी झाले. जखमींना नागपूर मेडिकल रुग्णालयात दाखल केले. तेथे उपचारादरम्यान इस्ताकचा मृत्यू झाला. याप्रकरणी बुटीबाेरी एमआयडीसी पाेलिसांनी भादंवि कलम २७९, ३३७, ३३८, ३०४ (अ) अन्वये गुन्हा नाेंदविला असून, गुन्ह्याचा पुढील तपास पाेलीस उपनिरीक्षक दराडे करीत आहेत.