बेलाेना : भरधाव अज्ञात वाहनाने माेटरसायकलला जाेरात धडक दिली. त्यात गंभीर जखमी झालेल्या दाेघांपैकी दुचाकीचालकाचा घटनास्थळीच मृत्यू झाला. ही घटना नरखेड पाेलीस ठाण्याच्या हद्दीतील बेलाेना-नरखेड मार्गावर बुधवारी (दि. ९) रात्री घडली.
प्रभाकर तेलंगे (५०, रा. बेलाेना, ता. नरखेड) असे मृताचे नाव असून, जखमीचे नाव कळू शकले नाही. ते दाेघेही एमएच-३१/बीई-९५६१ क्रमांकाच्या माेटरसायकलने नरखेडहून बेलाेना येथे येत हाेते. वाटेत भरधाव अज्ञात वाहनाने त्यांच्या माेटरसायकलला जाेरात धडक दिली. त्यात प्रभाकर यांचा घटनास्थळीच मृत्यू झाला तर अन्य एकाला गंभीर दुखापत झाली. माहिती मिळताच पाेलिसांनी घटनास्थळ गाठून जखमीला उपचारासाठी तर प्रभाकर यांचा मृतदेह उत्तरीय तपासणीसाठी नरखेड येथील ग्रामीण रुग्णालयात नेला. तिथे जखमीवर प्रथमाेपचार करून नागपूरला रवाना केले. या मार्गालगत माेठ्या प्रमाणात झुडपे वाढली असून, राेड अरुंद झाला आहे. त्यामुळे रात्रीच्या वेळी विरुद्ध दिशेने येणारी वाहने दिसत नाही. याच ठिकाणी काही दिवसापूर्वी झालेल्या अपघातात एकाचा मृत्यू झाला हाेता. याप्रकरणी नरखेड पाेलिसांनी गुन्हा नाेंदवून तपास सुरू केला आहे.