लाेकमत न्यूज नेटवर्क
बुटीबाेरी : भरधाव कारने दुचाकीला जाेरात धडक दिली. त्यात गंभीर दुखापत झाल्याने दुचाकीस्वाराचा मृत्यू झाला. ही घटना बुटीबाेरी एमआयडीसी परिसरातील पेट्राेल पंपासमाेर मंगळवारी (दि.२०) सकाळी ९.३० वाजताच्या सुमारास घडली.
प्रशांत भास्कर जेनेरकर (४२, रा. प्रभाग क्र. २, नवीन वसाहत, बुटीबाेरी) असे मृताचे नाव असून, ताे एमआयडीसीतील माेरारजी टेक्सटाईल कंपनीत कार्यरत हाेता. साेमवारी त्याची रात्रपाळी हाेती, परंतु ताे कामावर गेला नव्हता. कंपनीतून कुणाचा तरी फाेन आल्याने ताे मंगळवारी सकाळच्या सुमारास कंपनीत काही कामानिमित्त गेला हाेता, अशी माहिती त्याच्या माेठ्या भावाने दिली. दरम्यान, ताे आपल्या एमएच-४०/के-६९१३ क्रमांकाच्या दुचाकीने कंपनीतून घराकडे परत येत असताना, एमआयडीसी मार्गावरील पेट्राेल पंपासमाेर एमएच-३१/ईयू-७०७० क्रमांकाच्या भरधाव कारने त्याच्या दुचाकीला मागून जाेरात धडक दिली. त्यात प्रशांत गंभीररीत्या जखमी झाला. लगेच काही तरुणांनी अपघातास कारणीभूत ठरलेल्या कारमधून प्रशांतला बुटीबाेरीतील खासगी दवाखान्यात आणले. मात्र त्यास गंभीर दुखापत असल्याने दाखल करून घेण्यास नकार दिला. अशात आराेपी कारचालक कार घेऊन पसार झाला. दरम्यान, प्रशांतला नागपूर येथील रुग्णालयात नेत असताना वाटेतच त्याचा मृत्यू झाला. याप्रकरणी बुटीबाेरी पाेलिसांनी आराेपी कारचालकाविरुद्ध गुन्हा नाेंदविला असून, पुढील तपास सुरू केला आहे.