कळमेश्वर : वेगात असलेल्या दाेन माेटरसायकलींची आपसात जाेरदार धडक झाली. त्यात गंभीर जखमी झालेल्या दुचाकीचालकाचा मृत्यू झाला. ही घटना कळमेश्वर पाेलीस ठाण्याच्या हद्दीतील बाेरगाव(धुरखेडा)-खंडाळा मार्गावर शनिवारी (दि. २१) रात्री ७ वाजताच्या सुमारास घडली.
प्रदीप मुकुंदराव मेंढे (६१, रा. मानकापूर, नागपूर) असे मृताचे नाव आहे. प्रदीप मेंढे हे त्यांच्या शेतातून एमएच-३१/ईझेड-४५४१ क्रमांकाच्या माेटरसायकलने खंडाळा शिवारातून मानकापूर, नागपूरला परत जात हाेते. त्यातच विरुद्ध दिशेने म्हणजे, भरतवाड्याहून खंडाळाच्या दिशेने जाणाऱ्या एमपी-४८/एमव्ही-४२०७ क्रमांकाच्या माेटरसायकलने त्यांच्या माेटरसायकलला जाेरात धडक दिली. त्यात त्यांना गंभीर दुखापत झाली. परिसरातील नागरिकांनी त्यांना लगेच नागपूर शहरातील मेयाे रुग्णालयात दाखल केले. तिथे डाॅक्टरांनी तपासणीअंती त्यांना मृत घाेषित केले. याप्रकरणी कळमेश्वर पाेलिसांनी मनीष प्रदीप मेंढे (२८, रा. मानकापूर, नागपूर) याच्या तक्रारीवरून दुचाकी चालकाविरुद्ध भादंवि २७९, ३३७, ३०४ (अ) अन्वये गुन्हा दाखल केला असून, या घटनेचा तपास सहायक फाैजदार माेरेश्वर नागपुरे करीत आहेत.