व्हेंडरला २२ लाखाचा फटका : रेल्वे सुरक्षा दलाची कारवाईनागपूर : रेल्वेगाड्यात चढून प्रवाशांकडून जबरदस्ती पैसे वसूल करायचे. एखाद्याने पैसे न दिल्यास अश्लील हावभाव करून त्यांना त्रस्त करून सोडायचे. यामुळे प्रवासी त्रस्त झाले असताना मागील वर्षी 'आरपीएफ'च्या कारवाईत २२९ तृतीयपंथींकडून २.३0 लाख रुपये तर अवैध व्हेंडरकडून २२ लाख १६ हजार २९४ रुपये दंड वसूल करण्यात आल्याची माहिती आहे.रेल्वेगाड्यात प्रवास करताना अनेकदा प्रवाशांना तृतीयपंथींच्या त्रासाला सामोरे जावे लागते. अश्लील हावभाव करून जबरदस्तीने पैसे वसूल करीत असल्यामुळे प्रवाशांचा नाईलाज होतो. कुटुंबासह प्रवास करीत असलेल्या प्रवाशांना मागितले तेवढे पैसे काढून देण्याची पाळी येते. रेल्वे अँक्ट १४४ बी नुसार रेल्वेगाड्यात भीक मागणे कायद्यानुसार गुन्हा आहे. त्यामुळे सन २0१३-१४ या आर्थिक वर्षात रेल्वे सुरक्षा दलाने विविध रेल्वेगाड्यात प्रवाशांना पैशासाठी वेठीस धरणार्या २२९ तृतीयपंथींची धरपकड केली. त्यांना न्यायालयासमोर हजर केले असता न्यायालयाने त्यांना २ लाख ३0 हजार रुपये दंड आकारला. परंतु असे असले तरी दंड भरून पुन्हा हे तृतीयपंथी दुसर्या दिवशी रेल्वेगाड्यात पैसे मागताना दिसतात. यामुळे त्यांचा कायमचा बंदोबस्त करण्याची गरज निर्माण झाली आहे. अशाच प्रकारे कुठलाही परवाना नसताना रेल्वेगाड्यात खाद्यपदार्थ विकणे रेल्वे अँक्ट १४४ नुसार गुन्हा आहे. मागील वर्षी २ हजार ३८४ अवैध व्हेंडरवर कारवाई करून रेल्वे सुरक्षा दलाने २२ लाख १६ हजार २९४ रुपये दंड वसूल केला. याशिवाय रेल्वेस्थानकावर नो पार्किंग झोनमध्ये वाहने उभे करून वाहतुकीस अडथळा निर्माण करणार्या ५५२ नागरिकांवर रेल्वे अँक्ट १५९ नुसार कारवाई करण्यात आली. त्यांच्याकडूनही १ लाख ७३ हजार ६५0 रुपये दंड वसूल करण्यात आला. आरटीआय कार्यकर्ते अभय कोलारकर यांनी माहितीच्या अधिकारात मिळविलेल्या माहितीनुसार ही आकडेवारी रेल्वे सुरक्षा दलाने पुरविली आहे. रेल्वे सुरक्षा दल तृतीयपंथी, अवैध व्हेंडर, नो पार्किंगमध्ये वाहने उभे करणारे आदींविरुद्ध कारवाई करीत असले तरीसुद्धा दंड भरल्यानंतर पुन्हा हे आपल्या कामाला सुरुवात करीत असल्याचे दिसते. (प्रतिनिधी)
तृतीयपंथींनी भरला अडीच लाख दंड
By admin | Updated: May 9, 2014 02:31 IST