लाेकमत न्यूज नेटवर्क
काेंढाळी : चालकाचा ताबा सुटल्याने लाेखंड घेऊन जाणारा ट्रक राेडलगत उलटला. त्यात दाेनपैकी एका ट्रकचालकाचा मृत्यू झाला तर दुसरा गंभीर जखमी झाला. ही घटना काेंढाळी (ता. काटाेल) पाेलीस ठाण्याच्या हद्दीतील नागपूर-अमरावती राष्ट्रीय महामार्गावरील जुनापाणी शिवारात गुरुवारी (दि. १५) रात्री ७.१५ वाजताच्या सुमारास घडली.
रविश अस्मत भुरे (५५, रा. वडोली, जिल्हा पालघर) असे मृत तर अकील अजिम चिंदे (२१, रा. वडोली, जिल्हा पालघर) असे गंभीर जखमी ट्रकचालकाचे नाव आहे. हे दाेघेही एमएच-०५/डीके-३००३ क्रमांकाच्या ट्रकचे चालक आहेत. ते रायपूर (छत्तीसगड) येथील ट्रकमध्ये लाेखंड घेऊन नागपूर मार्गे मुंबईला जात हाेते. रविश ट्रक चालवित हाेता तर अकील त्याच्या शेजारी बसला हाेता.
ते काेंढाळीपासून १० किमी अंतरावर येताच रविशचा ट्रकवरील ताबा सुटला आणि ट्रक राेडलगत उलटला. केबिनमध्ये फसल्याने रविशचा घटनास्थळीच मृत्यू झाला तर अकील गंभीर जखमी झाला. माहिती मिळताच पाेलिसांनी घटनास्थळ गाठून अकीलला उपचारासाठी काेंढाळी येथील प्राथमिक आराेग्य केंद्रात आणले तर रविशचा मृतदेह उत्तरीय तपासणीसाठी काटाेल येथील ग्रामीण रुग्णालयात पाठविला. या अपघाताची काेंढाळी पाेलिसांनी नाेंद केली असून, तपास पाेलीस उपनिरीक्षक देवेंद्र साेनवले, नायक हाेमेश्वर वाईलकर करीत आहेत.