कळमेश्वर : भरधाव ट्रकने माेटरसायकलला मागून जाेरात धडक दिली. त्यात गंभीर जखमी झालेल्या दुचाकीस्वाराचा रुग्णालयात नेताना मृत्यू झाला. ही घटना कळमेश्वर पाेलीस ठाण्याच्या हद्दीतील सेलू शिवारात साेमवारी (दि. २३) दुपारी ३.१५ वाजताच्या सुमारास घडली.
निळकंठ संताेष चामलाटे (६८, रा. सेलू, ता. कळमेश्वर) असे मृताचे नाव आहे. ते प्रफुल्ल दशरथ रंगारी (२८, रा. सेलू, ता. कळमेश्वर) याच्या एमएच-४०/बीव्ही-७८४१ क्रमांकाच्या माेटरसायकलवर मागे बसून कळमेश्वरहून सेलूला येत हाेते. गावाजवळ पाेहाेचताच रिंग राेडवर मागून वेगात आलेल्या सीजी-०४/जेडी-२०२७ क्रमांकाच्या ट्रकने त्यांच्या माेटरसायकलला जाेरात धडक दिली. यात निळकंठ चामलाटे यांच्या डाेक्याला गंभीर दुखापत झाली. त्यामुळे त्यांना लगेच कळमेश्वर येथील ग्रामीण रुग्णालयात आणले. तिथे डाॅक्टरांनी त्यांना मृत घाेषित केले. याप्रकरणी कळमेश्वर पाेलिसांनी भादंवि २७९, ३०४ (अ) अन्वये गुन्हा दाखल केला असून, या घटनेचा तपास सहायक पाेलीस निरीक्षक प्रवीण मुंढे करीत आहेत.