लाेकमत न्यूज नेटवर्क
काटाेल : दाेन माेटरसायकलींची आपसात जाेरात धडक झाल्यानंतर, तिन्ही दुचाकीस्वार खाली काेसळले. त्यांनी स्वत:ला सावरण्याच्या आत वेगात आलेल्या ट्रकने त्यातील एकास चिरडले. यात दाेघे गंभीर जखमी झाले, ही घटना काटाेल पाेलीस ठाण्याच्या हद्दीतील काटाेल-सावरगाव मार्गावरील घुबडमेट येथे शनिवारी (दि. २०) सायंकाळी ६.३० वाजताच्या सुमारास घडली.
सुमित अशाेक साेमकुवर (२५, रा.लाडगाव, ता.काटाेल) असे मृताचे, तर लीलाधर रामचंद्र ढोक, रा़ जामगाव, ता. नरखेड व अरुण बावणे, रा़ कलंभा, ता. काटाेल अशी गंभीर जखमींची नावे आहेत.
सुमित, लीलाधर व अरुण हे तिघेही एमएच-४०/एव्ही- ९५१५ आणि एमएच-३१/बीए-७६५५ क्रमांकाच्या माेटारसायकलींनी काटाेलच्या दिशेने येत हाेते. या दाेन्ही माेटारसायकलींची घुबडमेट येथे जाेरात धडक झाल्याने तिघेही खाली काेसळले. सुमित व अरुण राेडवर पडले, तर लीलाधर बाजूला फेकला गेला. त्यातच काटाेलहून सावरगावच्या दिशेने वेगात जाणाऱ्या एमएच-३१/सीक्यू-२१७१ क्रमांकाच्या ट्रकने सुमितला चिरडले, तर अरुण त्या ट्रकच्या समाेरच्या चाकाखाली आला. यात सुमितचा घटनास्थळीच मृत्यू झाला.
माहिती मिळताच पाेलिसांनी घटनास्थळ गाठून दाेन्ही जखमींना उपचारासाठी सुमितचा मृतदेह उत्तरीय तपासणीसाठी काटाेल येथील ग्रामीण रुग्णालयात आणला. तिथे दाेन्ही जखमींवर प्रथमाेपचार केल्यानंतर, त्यांना पुढील उपचारासाठी नागपूरला रवाना करण्यात आले. दाेन्ही जखमींची प्रकृती चिंताजनक असल्याची माहिती वैद्यकीय सूत्रांनी दिली. या प्रकरणी काटाेल पाेलिसांनी गुन्हा नाेंदविला असून, तपास ठाणेदार महादेव आचरेकर यांच्या मार्गदर्शनात पाेलीस उपनिरीक्षक आकाश शाही करीत आहेत.