बेला : भरधाव ट्रॅक्टरने माेटरसायकलला जाेरात धडक दिली. त्यात गंभीर जखमी झालेल्या दाेघांपैकी एकाचा मृत्यू झाला. ते दाेघेही चुलत भाऊ हाेत. ही घटना बेला (ता. उमरेड) पाेलीस ठाण्याच्या हद्दीतील नागपूर-हैदराबाद राष्ट्रीय महामार्ग क्रमांक-७ वरील चिमणाझरी शिवारात रविवारी (दि. ६) सायंकाळी ५.४५ वाजताच्या सुमारास घडली.
निखील रामचंद्र राेडे (१९) असे मृताचे तर वैभव काेलबा राेडे (२२) असे जखमी तरुणाचे नाव आहे. दाेघेही चुलत भाऊ असून, ते बेला येथील रहिवासी आहेत. ते रविवारी सायंकाळी एमएच-४०/बीपी-३४१५ क्रमांकाच्या माेटरसायकलने बुटीबाेरीहून बेल्याला येत हाेते. ते चिमणाझरी शिवारात पाेहाेचताच भरधाव ट्रॅक्टरने त्यांच्या माेटरसायकलला धडक दिली. त्यात दाेघेही गंभीर जखमी झाले. माहिती मिळताच पाेलिसांनी घटनास्थळ गाठले. ताेपर्यंत निखीलचा मृत्यू झाला हाेता. पाेलिसांनी वैभवला उपचारासाठी तर निखीलचा मृतदेह उत्तरीय तपासणीसाठी नागपूरला पाठविला. याप्रकरणी बेला पाेलिसांनी नाेंद करून तपास सुरू केला आहे.