उमरेड : चाेरट्याने शेतातील घरातून हरभऱ्याची पाेती आणि ट्रॅक्टरची बॅटरी असा एकूण ४० हजार रुपये किमतीचा ऐवज चाेरून नेला. ही घटना उमरेड पाेलीस ठाण्याच्या हद्दीतील पाेळसा शिवारात गुरुवारी (दि. १५) मध्यरात्री घडली.
प्रकाश माराेतराव मालवडे, रा. तारणा, ता.उमरेड यांनी पाेळसा, ता. उमरेड शिवारात शेती असून, शेतात घर आहे. त्या घरात त्यांनी हरभऱ्याची पाेती व काही साहित्य ठेवले हाेते. दरम्यान, गुरुवारी रात्री शेतात कुणीही नसताना चाेरट्याने दाराचे कुलूप ताेडून आत प्रवेश केला. यात चाेरट्याने ३७ हजार ५०० रुपये किमतीचे साडेसात क्विंटल हरभरे व २,५०० रुपयांची बॅटरी असा एकूण ४० हजार रुपये किमतीचा ऐवज चाेरून नेला. ही बाब लक्षात येताच प्रकाश मालवडे यांनी पाेलिसात तक्रार दाखल केली. याप्रकरणी उमरेड पाेलिसांनी अज्ञात आराेपीविरुद्ध भादंवि ४५७, ३८० अन्वये गुन्हा दाखल केला असून, या घटनेचा तपास पाेलीस हवालदार जयसिंगपुरे करीत आहेत.