नागपूर : कबाडीचा व्यवसाय करणारे बिहारी जगन्नाथ शाहू (वय ४५, रा. इरोस सोसायटी, गोरेवाडा) यांनी गळफास लावून आत्महत्या केली.
सोमवारी सकाळी ६ च्या सुमारास ही घटना उघडकीस आली. मीरा रामबिहारी शाहू (वय ४४) यांनी दिलेल्या माहितीवरून मानकापूर पोलिसांनी अकस्मात मृत्यूची नोंद केली. पुढील तपास सुरू आहे.
---
रेल्वेच्या धडकेत एकाचा मृत्यू
नागपूर : मानकापूर परिसरातील ताजनगर झोपडपट्टीत राहणारे मनोज दर्शन ठाकूर (वय ३८) यांना रविवारी रात्री ८.३० च्या सुमारास रेल्वेची धडक बसल्याने त्यांचा करुण अंत झाला. सोमवारी सकाळी मानकापूर पोलिसांनी या प्रकरणात आकस्मात मृत्यूची नोंद केली. पुढील तपास सुरू आहे.
---
मामाने भाचीला केली मारहाण
नागपूर : फ्लॅटमध्ये गुंतवणूक करण्यास दिलेली रक्कम परत मागितली म्हणून मामाने भाचीला मारहाण करून तिचा विनयभंग केला. रविवारी दुपारी १ च्या सुमारास हुडकेश्वर पोलीस ठाण्याच्या हद्दीत ही घटना घडली. फिर्यादी ३५ वर्षाची महिला असून, आरोपी संजय नथूराव रहाटे (वय ५५) तिचा नातेवाईक आहे. महिलेच्या तक्रारीवरून पोलिसांनी रहाटेविरुद्ध विनयभंग करून मारहाण करण्याचा गुन्हा दाखल केला.
----
मानकापूरमधील मुलगी बेपत्ता
नागपूर : मानकापुरात राहणारी १५ वर्षाची मुलगी रविवारी सायंकाळी ६ च्या सुमारास अचानक बेपत्ता झाली. तिच्या पालकांनी दिलेल्या तक्रारीवरून पोलिसांनी अपहरणाचा गुन्हा दाखल केला. पुढील तपास सुरू आहे.
----
तरुणावर चाकू हल्ला
नागपूर : घरासमोर मित्रांसोबत गप्पा करीत बसलेल्या राजू उर्फ चोखा गणेश शाहू (वय ३२) याच्यावर आरोपी राजेश मंगलू निषाद (वय २४) याने चाकूने हल्ला करून त्याला गंभीर जखमी केले. शनिवारी रात्री ११.३० च्या सुमारास ही घटना घडली. याप्रकरणी धंतोली पोलिसांनी हत्या करण्याचा प्रयत्न केल्याच्या आरोपाखाली आरोपी राजेश निषादविरुद्ध गुन्हा दाखल केला. पुढील तपास सुरू आहे.
---