मेट्रोच्या डबलडेकर पुलाला जोडले ‘सहा स्पाईन’

वर्धा रोडवर सोनेगाव पोलीस ठाण्यासमोरून अजनी चौकातील खासगी रुग्णालयापर्यंत डेबलडेकर पुलाचे बांधकाम युद्धस्तरावर सुरू आहे.

ठळक मुद्देदोन महिन्यात जोडणार ‘रिब’ : जून २०१८ पर्यंत काम पूर्ण होणार

आनंद शर्मा।लोकमत न्यूज नेटवर्कनागपूर : वर्धा रोडवर सोनेगाव पोलीस ठाण्यासमोरून अजनी चौकातील खासगी रुग्णालयापर्यंत डेबलडेकर पुलाचे बांधकाम युद्धस्तरावर सुरू आहे. मेट्रोच्या डबलडेकर पुलाला आतापर्यंत सहा स्पाईन जोडण्यात आले आहेत. ३.१४ कि़मी. लांब पुलासाठी १०५ पिलर उभारण्यात येणार आहेत. आतापर्यंत ४० पेक्षा जास्त पिलरचे बांधकाम पूर्ण झाले आहे. या पिलरवर अन्य वाहनांच्या वाहतुकीसाठी बांधण्यात येणाºया खालील पुलाला स्पाईन जोडण्याचे काम सुरू झाले आहे. स्पाईन म्हणजे पाठीच्या कण्यासारखे काँक्रिट स्ट्रक्चर अर्थात गर्डरला दोन पिलरमध्ये लावण्याचे काम सुरू आहे. आतापर्यंत नऊ पिलरमध्ये गर्डर बसविण्यात आले आहेत.‘रिब अ‍ॅण्ड स्पाईन टेक्नोलॉजी’प्रत्येक गर्डरची रुंदी ८ मीटर आहे. हे गर्डर जामठा येथील कास्टिंग यार्डमध्ये तयार करण्यात येत आहेत. गर्डर बसविल्यानंतर दोन महिन्यानंतर प्रत्येक गर्डरच्या दोन्ही बाजूला चार-चार मीटरची ‘रिब’ अर्थात एक आणखी गर्डर जोडण्यात येईल. या प्रकारच्या बांधकामाच्या तंत्रज्ञानाला ‘रिब अ‍ॅन्ड स्पाईन टेक्नोलॉजी’ म्हटले जाते. भारतात या तंत्रज्ञानाने आतापर्यंत जयपूर येथे डबलडेकर पुलाचे बांधकाम करण्यात आले आहे. त्यानंतर वर्धा रोडवर बांधकाम सुरू असलेल्या डबलडेकर पुलामध्ये एकूण १०४ स्पाईन (मुख्य गर्डर) आणि २०८ रिब (अटॅचमेंट गर्डर) बसविण्यात येणार असल्याची माहिती महामेट्रोचे प्रकल्प संचालक महेश कुमार यांनी लोकमतशी बोलताना दिली. महेश कुमार म्हणाले, पुढील दोन महिन्यात डबलडेकर पुलाला ‘रिब’ लावण्याचे काम सुरू होणार आहे. वाहतुकीला अडथळा येऊ नये म्हणून हे काम सध्या सुरू केलेले नाही तर दुसरीकडे स्पाईन (गर्डर) लाँचिंगचे काम वेगात सुरू आहे. त्यामुळे डबलडेकर पुलाचे बांधकाम जून २०१८ पर्यंत पूर्ण होण्याची अपेक्षा आहे.तीन मेट्रो स्टेशनचे बांधकामवर्धा रोडवर डबलडेकर पुलावर मेट्रो रेल्वेसाठी उज्ज्वलनगर, जयप्रकाशनगर, छत्रपतीनगर या तीन मेट्रो स्टेशनचे बांधकाम सुरू आहे. जवळपास ३५० कोटींच्या गुंतवणुकीतून तयार होणाºया डबलडेकरच्या बांधकामाची जबाबदारी राष्ट्रीय महामार्ग प्राधिकरणाने महाराष्ट्र मेट्रो रेल्वे कॉर्पोरेशनवर (महामेट्रो) सोपविली आहे. महामेट्रोने बांधकामाचे कंत्राट नागार्जुन कन्स्ट्रक्शन कंपनीला दिले आहे.पिलर आहेत विशेषडबल डेकर पुलाचे पिलर मेट्रो रेल्वेच्या पिलरपेक्षा वेगळे आणि विशेष आहेत. प्रारंभी पिलरची उंची ५.५ मीटर आणि त्यानंतर १५ ते १८ मीटरपर्यंत राहील. साई मंदिरासमोर जास्त उंचीचे पिलर तयार करण्यात आले आहेत. हे पिलर दोन भागात आहेत. पहिल्या भागाचे बांधकाम झाल्यानंतर त्याच्या दोन्ही बाजूला रस्त्याच्या वाहतुकीसाठी पुलावर स्लॅब टाकण्यात येईल. त्यावर अर्थात अंतिम भागाचे बांधकाम झाल्यानंतर मेट्रो रेल्वेसाठी स्लॅब टाकण्यात येणार आहे.