कमल शर्मानागपूर : देशभरातील औष्णिक वीज केंद्रात कोळशाचा तुटवडा आहे. महाराष्ट्रातील परिस्थिती मात्र आणखी भयावह झाली आहे. महाजेनकोच्या वीज केंद्रांमध्ये आता दोन दिवस पुरेल इतकाही कोळसा शिल्लक नाही. परिणामी १०,२१२ मेगावॉट विजेच्या उत्पादन क्षमतेच्या तुलनेत केवळ ५५३८ मेगावॉट इतकेच उत्पादन होत आहे. दुसरीकडे महावितरणने नागरिकांना सकाळी व सायंकाळी वीज बचत करण्याचे आवाहन करत भारनियमन सुरू होण्याचे संकेतसुद्धा दिले आहेत.
राज्यभरातील वीज केंद्रांमध्ये जवळपास २० दिवस पुरेल इतका कोळशाचा साठा शिल्लक असतो. पावसाळ्यात हा स्टॉक ५ ते ७ दिवसांपर्यंत येतो. परंतु यावर्षी हा स्टॉक यापेक्षाही कमी झाला आहे. ३ दिवसांपेक्षा कमी कोळशाचा साठा असेल तर त्याला अतिसंवेदनशील परिस्थिती मानली जाते. वीज केंद्रांसाठी ही धोक्याची घंटा असते. अशा स्थिती कोळसा पुरवठा होण्यास थोडीही अडचण आली तर वीज केंद्र बंद पडू शकते. महाजेनकोचे म्हणणे आहे की, यंदा चांगला पाऊस झाला. खुल्या खदाणींमध्ये पाणी भरले. त्यामुळे कोळशांचे उत्पादन प्रभावित झाले. परिणामी कोळसा पुरवठा होत नाही आहे. सध्या चंद्रपूरमध्ये सर्वाधिक १.६४ दिवस पुरेल इतका कोळशाचा साठा शिल्लक आहे. कोराडी, नाशिक, भुसावळ व खापरखेडा येथे एक दिवस आणि इतर वीज केंद्रांमध्ये त्यापेक्षाही कमी दिवसाचा साठा शिल्लक आहे. खासगी वीज केंद्रातील परिस्थितीही सारखीच आहे. अशा परिस्थितीत अनेक वीज संच बंद पडले आहेत.महाजेनकोच्या वीज केंद्रातील स्थितीकेंद्र - उपलब्ध कोळसा - किती दिवसकोराडी (६६०) १६१०० मेट्रीक टन - ०.६ दिवसकोराडी (२१०) ४१६५ मेट्रीक टन- १.१९ दिवसनाशिक - ८२३६ मेट्रीक टन- १.१८ दिवसभुसावळ - २८,७३० मेट्रीक टन- १.३४ दिवसपरळी - ९६७५ मेट्रीक टन - ०.७२ दिवसपारस - ६९४८ मेट्रीक टन- ०.७७ दिवसचंद्रपूर - ८६,२६४ मेट्रीक टन- १.६४ दिवसखापरखेडा - ३१,२५८ मेट्रीक टन- १.३ दिवस-------------------------------एकूण - १,९१,३४७ मेट्रीक टन