उमरेड : येथील पुरातन गोंडकालीन किल्ल्याचे वैभव आणि अस्तित्त्व नामशेष होण्याच्या मार्गावर आहे. याकडे अनेकदा लक्ष वेधल्या गेले. शासन प्रशासनाने केवळ बाताच केल्या. निदान आपण स्वच्छता मोहीम राबवू शकतो, असा निर्धार करीत शहरातील डझनभर संस्थेला सोबतीला घेत किल्ला संवर्धनासाठी तरुणाई सरसावली. उमरेड येथील राजाधिराज ढोलताशा पथक आणि विदर्भ ट्रॅकर्स, नागपूर या संस्थेच्या सदर उपक्रमाच्या हाकेला अनेकांनी देत प्रतिसाद दिला. यावेळी प्रा. डॉ. सुषमा लाखे, नगरसेवक सतीश चौधरी, रोहीत पारवे, प्रा. डॉ. प्रमोद लाखे आदींची उपस्थिती होती.
छत्रपती क्रीडा मंडळ, मातृभूमी क्रीडा मंडळ, सिद्धार्थ क्रीडा मंडळ, शक्ती क्रीडा मंडळ, स्वराज्यसेवा प्रतिष्ठान, भाजपा युवा मोर्चा, भरारी बहुद्देशिय व शैक्षणिक संस्था, युनिक सायकलींग क्लब, छत्रपती शिवाजी फाऊंडेशन आणि गणेश उत्सव कमिटी डब्लूसीएल, जुगाड फाऊंडेशन, सेवन स्टार क्रीकेट क्लब, शिवशाही गु्रप, जे. डब्लू. संस्था, एसबीसीटी ग्रुप, युवा प्रहार अकादमी, टायगर ग्रुप, अष्टविनायक डान्स ग्रुप या संस्थांचा या कौतूकास्पद उपक्रमात सहभाग होता. किल्ला परिसरात असलेली झुडपांची योग्य विल्हेवाट लावण्यात आली. शिवाय स्वच्छता आणि सौंदर्यीकरण यासाठी या तरुणांनी परिश्रम घेतले. यावेळी परिसरात वृक्षारोपन सुद्धा केल्या गेले. दुसऱ्या आणि तिसऱ्या टप्यात सुद्धा हे सर्व तरुण एकजुटीने किल्ला संवर्धनसाठी एकत्रित येणार आहेत.
सुमित शरणागत, स्वप्नील ब्रह्मे, राजेश भुरसे, स्वप्नील चौधरी, रोहीत बक्सरे, वैभव सोनवणे, रोहीत बिलसे, तुषार ढोरे, प्रमोद रघुते, विजय बालपांडे, स्वप्निल गंधरवार, गणेश कन्नन, आर्यन सहारे, निकांशु झाडे, सागर जिभकाटे, सागर ठाकरे, प्रफुल बांते, आशिष तायडे, आयुष मांढरे, निखिल उताणे, कार्तिक पराये आदींनी सहकार्य केले.
उमरेड येथील किल्ला परिसरात स्वच्छता मोहीम राबविताना युवक.