लाेकमत न्यूज नेटवर्क
हिंगणा : पाेलिसांच्या पथकाने नागपूर-अमरावती राष्ट्रीय महामार्गावरील व्याहाड पेठ शिवारात शुक्रवारी (दि. २०) मध्यरात्री २ वाजताच्या सुमारास केलेल्या कारवाईमध्ये विना राॅयल्टी रेतीची वाहतूक करणारे तीन ट्रक पकडले. यात पाच जणांविरुद्ध गुन्हा दाखल करण्यात आला असून, ४६ लाख रुपयाचा मुद्देमाल जप्त करण्यात आला.
हिंगणा पाेलिसांचे पथक गस्तीवर असताना त्यांना नागपूर-अमरावती महामार्गावरून अमरावतीच्या दिशेने रेतीची वाहतूक केली जात असल्याची माहिती मिळाली हाेती. त्यामुळे त्यांनी व्याहाड पेठ शिवारात नाकाबंदी करीत अमरावतीच्या दिशेने जाणारे एमएच-२७/बीएक्स-९७९९, एमएच-२७/बी-६६९९ व एमएच-३०/एव्ही-१००८ क्रमांकाचे तीन ट्रक थांबवून झडती घेतली. तिन्ही ट्रक ताडपत्र्यांनी झाकून हाेते.
त्या ट्रकमध्ये रेती आढळून येताच कागदपत्रांची तपासणी केली. त्यात ती रेतीची विना राॅयल्टी वाहतूक असल्याचे स्पष्ट हाेताच, पाेलिसांनी तिन्ही ट्रक रेतीसह जप्त केले. शिवाय, अमीन कलंदर शाह (३८, रा. हैदरपुरा, अमरावती), कलीम निसार खान (४६, रा. पठाणपुरा, अमरावती), शेख सद्दाम शेख मोहम्मद (२८, रा. वलगाव रोड, अमरावती), शेख सोहेल हमीद (२६, रा. पठाण चौक, अमरावती) व अविनाश शिरभाते (२३, रा. अमरावती) यांना अटक केली.
त्यांना न्यायालयाने पाेलीस काेठडी सुनावल्याची माहिती ठाणेदार बळीराम परदेशी यांनी दिली असून, त्यांच्याकडून एकूण ४६ लाखाचा मुद्देमाल जप्त केल्याचे त्यांनी स्पष्ट केले. याप्रकरणी हिंगणा पाेलिसांनी गुन्हा नाेंदवून तपास सुरू केला आहे. ही कारवाई पाेलीस निरीक्षक सारिन दुर्गे, सहायक पोलीस निरीक्षक कैलास कुथे, उपनिरीक्षक अविनाश जायभाये, अनिल झाडे, कैलास चव्हाण, संजय तायडे, प्रवीण फलके, सुनील मस्के, प्रदीप ढोके, सतीश येसकर यांच्या पथकाने केली.
...
घाट बंद, उपसा सुरू
ही रेती सावनेर तालुक्यातून आणली असल्याचे तसेच ती कन्हान नदीतील असल्याचे चाैकशीत स्पष्ट झाले आहे. जिल्ह्यातील सर्व रेतीघाट बंद आहेत. मात्र, रेतीचा अवैध उपसा आणि वाहतूक सुरूच आहे. हिंगणा पाेलिसांनी तीन दिवसापूर्वी केलेल्या कारवाईमध्ये रेतीची विना राॅयल्टी वाहतूक करणारे ११ ट्रक पकडले हाेते. त्यात एक काेटी रुपयाचा मुद्देमाल जप्त केला हाेता. रेतीचा अवैध उपसा त्या तालुक्यातील राजकीय नेत्यांच्या वरदहस्तामुळे केला जात असून, आर्थिक संबंधांमुळे महसूल विभागाचे अधिकारी काहीही कारवाई करीत नाही, अशी माहिती सूत्रांनी दिली.
210821\20210821_155327.jpg
रेतीने भरलेला ट्रक