लाेकमत न्यूज नेटवर्क
जलालखेडा : नरखेड तालुक्यातील ७५ टक्के पेरणी पूर्णत्वास आली आहे. त्यातच जलालखेडा परिसरात सात दिवसापासून पावसाने दडी मारली आहे. त्यामुळे या भागातील पिके पाण्याअभावी करपण्याची व शेतकऱ्यांवर दुबार पेरणीचे संकट ओढवण्याची शक्यता बळावली आहे. आर्थिक अडचणींमुळे शासनाने दुबार पेरणीसाठी आर्थिक मदत करावी, अशी मागणीही शेतकऱ्यांनी केली आहे.
आठवडाभरापूर्वी तालुक्यात सर्वदूर सलग तीन दिवस पाऊस काेसळल्याने शेतकऱ्यांनी घाईघाईने पेरणी आटाेपली. त्यातच चार दिवसांपासून पावसाने दडी मारल्याने बियाणे अंकुरण्याच्या पूर्वीच शेतातील मातीचा वरचा थर कडक यायला सुरुवात झाली. या काळात जमिनीचा वरचा भाग ओलसर असणे आवश्यक आहे. बियाण्याच्या अंकुराला जमिनीचा कडक भाग छेदून बाहेर येणे शक्य नसल्याने काही अंकूर आतच मृतवत हाेतात तर काही बाहेर आल्यावर उन्हाच्या तीव्रतेमुळे काेमेजतात. हा प्रकार जलालखेडा परिसरात अधिक प्रमाणात दिसून येत असल्याने या भागातील शेतकऱ्यांवर दुबार पेरणीचे संकट ओढवण्याची शक्यता बळावली आहे.
शेतकरी आधीच संकटात असून, त्या दुबार पेरणीच्या संकटाची भर पडल्यास पेरणीसाठी पैसा आणायचा कुठून असा प्रश्न त्यांच्यासमाेर निर्माण हाेणार आहे. त्यामुळे शेतकऱ्यांना नव्याने बियाणे व खते खरेदी करावी लागणार असल्याने शासनाने आर्थिक मदत करावी, अशी मागणीही शेतकऱ्यांनी केली आहे.
...
पीककर्ज मिळणे अवघड
मागील वर्षी अनेक शेतकऱ्यांना फारसे उत्पादन न झाल्याने पीककर्जाची परतफेड करणे शक्य झाले नाही. त्यातच बॅंका जुन्या पीककर्जाचे नुतनीकरण केल्याशिवाय नवीन पीककर्ज देण्यास तयार नाही. दुबार पेरणीची वेळ ओढवल्यास बियाणे, खते खरेदी करण्यास पैसा आणायचा कुठून असा प्रश्न शेतकऱ्यांना सतावत आहे.
...
मी साेमवारी पेरणी केली. त्यानंतर पावसाची एकही सर काेसळली नाही. जमीन कडक आली असून, बियाणे अंकुरले नाही. त्यामुळे दुबार पेरणीचे संकट ओढवले आहे. बियाणे, खते खरेदी करण्यासाठी पैसे नाही. या निविष्ठा कुणीही उधारीत देत नाही. शासनाने वेळीच मदत न केल्यास शेती पडित ठेवावी लागणार आहे.
- दिलीप झरकर, शेतकरी,
जलालखेडा, ता. नरखेड.