लाेकमत न्यूज नेटवर्क
काटाेल : पाेलिसांनी काटाेल शहरातील पेठबुधवार भागात सुरू असलेल्या सट्टापट्टी अड्ड्यावर धाड टाकली. यात सट्टा स्वीकारणाऱ्यास अटक करण्यात आली असून, त्याच्याकडून राेख रक्कम व इतर साहित्य असा एकूण ७३ हजार ३७० रुपये किमतीचा मुद्देमाल जप्त केला. ही कारवाई गुरुवारी (दि. २९) सायंकाळी करण्यात आली.
बंटी लक्ष्मण गाढवे (रा. पेठबुधवार, काटाेल) असे अटक करण्यात आलेल्या आराेपीचे नाव आहे. काटाेल शहरातील पेठबुधवार भागात सट्टापट्टी सुरू असल्याची माहिती मिळताच पाेलिसांनी या भागाची पाहणी केली. तेथे सट्टापट्टी स्वीकारली जात असल्याचे आढळून येताच पाेलिसांनी धाड टाकली आणि सट्टापट्टी स्वीकारणाऱ्या बंटीला ताब्यात घेत अटक केली. त्याच्याकडून ७३ हजार २८५ रुपये राेख आणि सट्टापट्टी नमूद करण्याचे साहित्य असा एकूण ७३ हजार ३७० रुपये किमतीचा मुद्देमाल जप्त केल्याची माहिती ठाणेदार महादेव आचरेकर यांनी दिली. आपण ही सट्टापट्टी युनूस शेख (रा. आययूडीपी, काटोल) याच्या सांगण्यावरून स्वीकारत असल्याची माहिती बंटीने पाेलिसांना दिली. या प्रकरणी काटाेल पाेलिसांनी गुन्हा नाेंदवून तपास सुरू केला आहे. ही कारवाई सहायक पाेलीस निरीक्षक राहुल बाेंद्रे, जयसिंग पवार, अविनाश बाहेकर, दीपक जोगेकर, सुचिता गुप्ते यांच्या पथकाने केली.