काटाेल : भरधाव दुचाकीस्वाराने रस्त्याने पायी जाणाऱ्या व्यक्तीला मागून जाेरात धडक दिली. त्यात गंभीर दुखापत झाल्याने पादचाऱ्याचा मृत्यू झाला. तर दुचाकीचालक व मागे बसलेला एक जण जखमी झाला. ही घटना काटाेल पाेलीस ठाण्याच्या हद्दीतील काटाेल-पारडसिंगा मार्गावरील खानगाव येथे साेमवारी (दि. ३१) रात्री ९ वाजताच्या सुमारास घडली.
ईश्वर बाबूजी अलाेणे (६०, रा. तीनखेडा, ता. काटाेल) असे मृताचे नाव आहे. ईश्वर अलाेणे हे काटाेल-पारडसिंगा मार्गाने पारडसिंगाकडे पायी जात हाेते. दरम्यान, खानगाव परिसरात मागून येणाऱ्या एमएच-४०/एडी-१४८२ क्रमांकाच्या दुचाकीस्वाराने त्यांना जाेरात धडक दिली. त्यात अलाेणे यांच्या डाेक्याला गंभीर दुखापत झाल्याने त्यांचा मृत्यू झाला. तर दुचाकीचालक व मागे बसलेला एक जण जखमी झाला. याप्रकरणी काटाेल पाेलिसांनी आराेपी दुचाकीचालकाविरुद्ध भादंवि कलम २७९, ३३७, ३०४ (अ) अन्वये गुन्हा नाेंदविला असून, तपास परिविक्षाधीन पाेलीस उपनिरीक्षक लांजेवार करीत आहेत.