कळमेश्वर : पाेलीस ठाण्याच्या हद्दीत झालेल्या अपघाताच्या दाेन वेगवेगळ्या घटनांमध्ये एकाचा मृत्यू झाला असून, दाेघे जखमी झाले आहेत. या घटना अनुक्रमे नागपूर-अमरावती राष्ट्रीय महामार्ग व घाेगली शिवारात रविवारी घडल्या.
सुदाम साहेबसिंग राजपूत ऊर्फ मुसाफीर, रा. निमजी (खदान), ता. कळमेश्वर असे मृताचे तर मनीष सांभारे (५२) व हेमराज लाखे (४०) दाेघेही रा. लिंगा, ता. कळमेश्वर अशी जखमींची नावे आहेत. सुदाम हा रविवारी सकाळी ११.३० वाजताच्या सुमारास नागपूर-अमरावती महामार्गावरील कंपनीसमाेरून राेडलगत पायी जात असताना भरधाव अज्ञात वाहनाने त्याला धडक दिली. त्यात गंभीर दुखापत झाल्याने त्याचा घटनास्थळीच मृत्यू झाला.
अपघाताची दुसरी घटना घाेगली शिवारात घडली. मनीष सांभारे व हेमराज लाखे माेटरसायकलने कळमेश्वरहून काटाेलला जात हाेते. ते घाेगली शिवारात पाेहाेचताच भरधाव अज्ञात वाहनाने त्यांच्या माेटरसायकलला जाेरात धडक दिली. त्यात दाेघांच्याही पायाला गंभीर दुखापत झाली. त्यांना कळमेश्वर येथील ग्रामीण रुग्णालयात प्रथमाेपचार करण्यात आल्यानंतर नागपूर येथील मेडिकल हाॅस्पिटलमध्ये भरती करण्यात आले आहे. शिवाय, सुदामच्या मृतदेहावर ग्रामीण रुग्णालयात उत्तरीय तपासणी प्रक्रिया करण्यात आली. या दाेन्ही प्रकरणात कळमेश्वर पाेलिसांनी अज्ञात वाहनचालकांविरुद्ध गुन्हा नाेंदवून तपास सुरू केला आहे.