कुही : पाेटाच्या त्रासाला कंटाळून एकाने त्याच्या शेतातील झाडाला गळफास लावून आत्महत्या केली. ही घटना कुही पाेलीस ठाण्याच्या हद्दीतील पाचगाव शिवारात साेमवारी (दि. १२) सकाळी उघडकीस आली.
रामभाऊ जगन ठवरे (५८, रा. पाचगाव) असे मृताचे नाव आहे. ते दीड महिन्यापासून पाेटाच्या आजाराने त्रस्त हाेते. हा त्रास असह्य झाल्याने त्यांनी त्यांच्या शेतातील झाडाच्या फांदीला दाेरीच्या मदतीने गळफास लावून घेतला. माहिती मिळताच पाेलिसांनी घटनास्थळ गाठून मृतदेह उत्तरीय तपासणीसाठी पाठविला. याप्रकरणी कुही पाेलिसांनी सुभाष डांगाले (३६, रा. साेनेगाव, ता. कुही) यांच्या तक्रारीवरून अकस्मात मृत्यूची नाेंद केली आहे. या घटनेचा तपास पाेलीस हवालदार दिलीप लांजेवार करीत आहेत.
...
गळफास लावून एकाची आत्महत्या
बुटीबाेरी : कृष्णा नदीच्या काठी असलेल्या सागाच्या झाडाच्या फांदीला दुपट्ट्याच्या मदतीने गळफास लावून एकाने आत्महत्या केली. ही घटना एमआयडीसी बुटीबाेरी पाेलीस ठाण्याच्या हद्दीतील गणेशपूर शिवारात साेमवारी सकाळी घडली.
जानराव तुळशीराम कावळे (५५, रा. टाकळघाट, ता. हिंगणा) असे मृताचे नाव आहे. जानराव काही कामानिमित्त गणेशपूर (ता. हिंगणा) शिवारात गेले. त्यांनी या शिवारातील कृष्णा नदीच्या काठी असलेल्या सागाच्या झाडाच्या फांदीला दुपट्ट्याने गळफास लावून घेतला. ही बाब रेवाराम खुटेल, रा. गणेशपूर यांच्या लक्षात येताच त्यांनी पाेलिसांना माहिती दिली. पाेलिसांनी घटनास्थळ गाठून मृतदेह उत्तरीय तपासणीसाठी पाठविला. त्यांच्या आत्महत्येचे कारण कळू शकले नाही. याप्रकरणी एमआयडीसी बुटीबाेरी पाेलिसांनी अकस्मात मृत्यूची नाेंद केली असून, पुढील तपास सहायक फाैजदार तलमले करीत आहेत.