लोकमत न्यूज नेटवर्क
नागपूर : कोरोनामुळे मागील दोन आठवड्यापासून नागपूर जिल्ह्यात एकाही मृत्यूची नोंद झालेली नाही. मंगळवारच्या तुलनेत बुधवारी जिल्ह्यातील नव्या बाधितांची संख्या तीनने घटली व चार नवे रुग्ण नोंदविण्यात आले. ग्रामीण भागात परत एकही बाधित आढळला नाही.
बुधवारच्या अहवालानुसार, २४ तासात ३ हजार ८८३ चाचण्या झाल्या. त्यातील २ हजार ७२७ चाचण्या शहरी तर, १ हजार १५६ चाचण्या ग्रामीण भागात झाल्या. शहरात तीन तर जिल्हाबाहेरील एक रुग्ण आढळला.
जिल्ह्यात एकूण बाधितांची ४ लाख ९३ हजार इतकी झाली आहे. यात शहरातील ३ लाख ४० हजार ५९ तर ग्रामीणमधील १ लाख ४६ हजार १२४ रुग्णांचा समावेश आहे. मृत्यूसंख्या १० हजार ११८ वर स्थिर आहे. यात शहरातील ५ हजार ८९३ मृत्यूचा समावेश आहे.
सद्यस्थितीत जिल्ह्यात कोरोनाचे ७५ सक्रिय रुग्ण आहेत. यात ग्रामीणमधील तीन व शहरातील ७१ रुग्णांचा समावेश आहे. ५० रुग्णांवर विविध रुग्णालयात उपचार सुरू आहेत.
कोरोनाची बुधवारची स्थिती
दैनिक चाचण्या : ३,८८३
शहर : ४ रुग्ण व ० मृत्यू
ग्रामीण : ० रुग्ण व ० मृत्यू
एकूण बाधित रुग्ण : ४,९३,०००
एकूण सक्रिय रुग्ण : ७५
एकूण बरे झालेले रुग्ण : ४,८२,८०७
एकूण मृत्यू : १०,११८